ដឹងសេដ្ឋីៗទាំងនេះ ក្លាយជាអ្នកមានតាំងពីអាយុប៉ុន្មានទេ?

2018-06-06 09:59:54
ចំនួនមតិ 0 | ចំនួនចែករំលែក 0

ចន្លោះមិនឃើញ

វិស័យបច្ចេកវិទ្យាបានជួយជ្រោមជ្រែងជោគវាសនាមនុស្សឲ្យក្លាយជាបុគ្គលមានទ្រព្យសម្បត្តិមហាសាលក្នុងមួយពព្រិចភ្នែក។ ខ្លះចំណាយពេលតែជាងប៉ុន្មានឆ្នាំ និងខ្លះទៀតប្រើពេលដល់រាប់ទសវត្សរ៍ រហូតជាប់ឈ្មោះជាសេដ្ឋីក្រោមទ្រនំឧស្សាហកម្មបច្ចេកវិទ្យា។

+Mark Zuckerberg ក្លាយជាសេដ្ឋីត្រឹមវ័យ ២២ ឆ្នាំ:

ស្ថាបនិកនិងនាយកប្រតិបត្តិក្រុមហ៊ុន Facebook ក្លាយជាសេដ្ឋីក្នុងឆ្នាំ ២០០៦ ក្រោយរយៈពេល ២ ឆ្នាំនៃការបង្កើតបណ្តាញសង្គមយក្សមួយនេះ។ លុះឈានចូលវ័យ ២៣ ឆ្នាំ តម្លៃ IPO របស់ក្រុមហ៊ុន បានធ្វើឲ្យ Zuckerberg ក្លាយសេដ្ឋីកើតមានដោយសារជំនួញខ្លួនឯងក្មេងបំផុតក្នុងប្រវត្តិសាស្ត្រ។

បច្ចុប្បន្នមានទ្រព្យសម្បត្តិ: ៧៦,៤ ពាន់លានដុល្លារ

+Evan Spiegel ក្លាយជាសេដ្ឋីនៅវ័យ ២៣ ឆ្នាំ:

ស្ថាបនិកនិងនាយកប្រតិបត្តិក្រុមហ៊ុន Snapchat បានក្លាយជាបុគ្គលមានទ្រព្យសម្បត្តិមហាសាលក្នុងឆ្នាំ ២០១៣។ លុះ ២ ឆ្នាំក្រោយមកតម្លៃភាគហ៊ុនក្នុងក្រុមហ៊ុនរបស់លោក កើនដល់ ១ ពាន់លានដុល្លារ។

បច្ចុប្បន្នមានទ្រព្យសម្បត្តិ: ២,៨ ពាន់លានដុល្លារ

+Sir Richard Branson ក្លាយជាសេដ្ឋីនៅវ័យ ២៣ ឆ្នាំ:

បុរសសញ្ជាតិអាមេរិកអាចរកចំណូលបាន ១ លានដុល្លារតាំងពីឆ្នាំ ១៩៧៣ ពោលគឺក្រោយរយៈពេល ៣ ឆ្នាំ នៃការរកឃើញក្រុមហ៊ុន Virgin Group។

បច្ចុប្បន្នមានទ្រព្យសម្បត្តិ: ៥ ពាន់លានដុល្លារ

+Larry Page ក្លាយជាសេដ្ឋីនៅវ័យ ២៥ ឆ្នាំ:

ស្ថាបនិកក្រុមហ៊ុន Google អាចរកបានប្រាក់ ១ លានដុល្លារក្នុងឆ្នាំ ១៩៩៩ ក្រោយមកតម្លៃ IPO នៃក្រុមហ៊ុនកើនដល់ ១ ពាន់លានដុល្លារក្នុងឆ្នាំ ២០០៤។

បច្ចុប្បន្នមានទ្រព្យសម្បត្តិ: ៥៣ ពាន់លានដុល្លារ

+Bill Gates ក្លាយជាសេដ្ឋីនៅវ័យ ២៦ ឆ្នាំ:

ដោយតម្លៃ IPO នៃក្រុមហ៊ុន Microsoft កើនឡើងខ្ពស់ ត្រឹមវ័យ ២៦ ឆ្នាំ Gates មុនពេលភាគហ៊ុនរបស់លោកមានតម្លៃស្មើ ១ ពាន់លានដុល្លារក្នុងវ័យ ៣១ ឆ្នាំ គ្រានោះហើយដែលជួយឲ្យលោកជាប់ឈ្មោះជាបុគ្គលមានប្រាក់ពាន់លានដុល្លារមុនគេបង្អស់។

បច្ចុប្បន្នមានទ្រព្យសម្បត្តិ: ៩៣ ពាន់លានដុល្លារ

+Elon Musk ក្លាយជាសេដ្ឋីក្នុងវ័យ ២៧ ឆ្នាំ:

ស្ថាបនិកក្រុមហ៊ុន PayPal និង Tesla Motors ក៏ដូចជា SpaceX បានជោគជ័យលើមុខជំនួញរហូតក្លាយជាសេដ្ឋីនៅឆ្នាំ ១៩៩៩ ក្នុងអំឡុងពេលលក់ចេញក្រុមហ៊ុនបង្កើត Web-software នៅតម្លៃ ៣០០ លានដុល្លារ។

បច្ចុប្បន្នមានទ្រព្យសម្បត្តិ: ១៩,៣ ពាន់លានដុល្លារ

+Warren Buffett ក្លាយជាសេដ្ឋីនៅវ័យ ៣០ ឆ្នាំ:

នាយកប្រតិបត្តិក្រុមហ៊ុន Berkshire Hathaway ជាប់ឈ្មោះជាសេដ្ឋីនៅឆ្នាំ ១៩៦០ ហើយបច្ចុប្បន្នជាបុគ្គលមានទ្រព្យសម្បត្តិច្រើនជាងគេបំផុតលំដាប់ទី ៣ ក្នុងពិភពលោក។

បច្ចុប្បន្នមានទ្រព្យសម្បត្តិ: ៨២,៣ ពាន់លានដុល្លារ

+Zhou Qunfei ក្លាយជាសេដ្ឋីនៅវ័យ ៣៣ ឆ្នាំ:

ស្ថាបនិកហ៊ុន Lens Tecnology ជាប់ឈ្មោះជាសេដ្ឋីនៅឆ្នាំ ២០០៣ មុនពេលក្រុមហ៊ុនជោគជ័យខ្ពស់ ជំរុញឲ្យអ្នកស្រីក្លាយជាស្រ្តីដំបូងបង្អស់ក្នុងលោកដែលមានប្រាក់ពាន់លានដុល្លារនៅវ័យ ៤៥ ឆ្នាំ។

បច្ចុប្បន្នមានទ្រព្យសម្បត្តិ: ៨,៣ ពាន់លានដុល្លារ

+Jeff Bezos ក្លាយជាសេដ្ឋីនៅវ័យ ៣៣ ឆ្នាំ: