ចង់បិទគ្រឿង iPhone X មានពីរវិធី មិនងាយដូច iPhone សេរ៊ីទាបៗនោះទេ

2018-06-05 08:33:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកាសបង្ហាញ iPhone X ជាការរចនាថ្មីទាំងស្រុងមិនថាតែរូបរាងនិងប្រព័ន្ធដំណើរការកម្មវិធី សមល្មមធ្វើឲ្យអ្នកដែលទម្លាបប្រើ iPhone សេរ៊ីចាស់ ឈឺក្បាលម្តងៗដែរ។ ពោលដូចជាវិធីបិទគ្រឿង (Shut Down) នៃទូរសព្ទតម្លៃ ៩៩៩ ដុល្លារ អ្នកពុំអាចចុចលើប៊ូតុង Power ឲ្យជាប់ដូចមុនទេ ព្រោះនេះជំនួសដោយការបង្ហាញ Siri វិញ។ Sabay ណែនាំរបៀប ២ យ៉ាង ពីរបៀបបិទម៉ាស៊ីន iPhone X។

១.បិទគ្រឿង iPhone X តាមរយៈ Software:

សាមញ្ញបំផុតអ្នកគ្រាន់តែចូលទៅកាន់ Settings > General ហើយអូសមកក្រោមមើលពាក្យថា Shut Down។ ក្រៅពី iPhone X ម៉ូឌែលដទៃក៏ធ្វើបានដូចគ្នា ប៉ុន្តែទាមទារឲ្យដំឡើងមក iOS 11។

២.បិទគ្រឿងតាមរយៈការប្រើប៊ូតុង:

នេះជាចំណុចដែលម្ចាស់ iPhone X គ្រប់រូបត្រូវចងចាំ ដោយអ្នកគ្រាន់ចុចប៊ូតុង Volume Up ឬ Volume Down មួយវិនាទី ហើយបន្តសង្កត់លើប៊ូតុង Power ឬ Side Button រហូតដល់ម៉ាស៊ីនលោតពាក្យថា Slide to power off។

+វិធី Hard Reset iPhone X:

ចំណេះដឹងបន្ថែមនៅពេល iPhone X គាំងចុចអ្វីមិនដំណើរការ យើងអាចធ្វើការ Hard Reset ដោយពុំបាត់បង់ទិន្នន័យអ្វីទាំងអស់។ ចុច Volume Up ហើយចុច Volume Down រួចចុច Side Button រហូតដល់អេក្រង់ងងឹត និងលោត Logo Apple មកវិញ។