Asus ចេញកុំព្យូទ័រយួរដៃថ្មី ប្រែកាយទីតាំង TouchPad ទៅជាអេក្រង់ ScreenPad យ៉ាងឡូយ
- 2018-06-06 11:55:00
- ចំនួនមតិ 0 | ចំនួនចែករំលែក 0
Asus ចេញកុំព្យូទ័រយួរដៃថ្មី ប្រែកាយទីតាំង TouchPad ទៅជាអេក្រង់ ScreenPad យ៉ាងឡូយ
ចន្លោះមិនឃើញ
នាពិព័រណ៍ Computex 2018 ក្នុងទីក្រុងតៃប៉ិ ក្រុមហ៊ុន Asus បានដាក់បង្ហាញនូវកុំព្យូទ័រយួរដៃម៉ូឌែលថ្មី ZenBook Pro 15 (UX580) ដែលមានចំណុចខ្លាំងនៃមុខងារ ScreenPad ពុំធ្លាប់មាន Laptop ណាមួយអាចធ្វើបាននៅឡើយ។
UX580 បំពាក់នូវអង្គគណនា Intel Core i9 អមកាតក្រាហ្វិក Nvidia GeForce GTX 1050 Ti* បន្សំអេក្រង់ទំហំ ១៥,៦ អ៊ីញ កម្រិត 4K “NanoEdge” ផ្តល់នូវកម្រិតពណ៌ sRGB ១៣២ ភាគរយ និង ១០០ ភាគរយនៃ Adobe RGB។
ក្រឡេកទៅមើល ScreenPad ជាមុខងារដំណើរការលើប្រអប់ TouchPad បើកបិទតាមរយៈប៊ូតុង F6 លើក្តារចុច។ អំឡុងពេលបិទ ScreenPad នោះអ្នកអាចធ្វើការប្រើប្រាស់ TouchPad ដើម្បីបញ្ជា Cursor បានជាធម្មតា។
ជាប្រភេទអេក្រង់ Touchsreen ទំហំ ៥,៥ អ៊ីញ កម្រិត ១ ៩២០ x ១ ០៨០ ភីកសែល អនុញ្ញាតឲ្យអ្នកបើកដំណើរការមុខងារមួយចំនួនដូចជាម៉ាស៊ីនគិតលេខ ប្រតិទិន ឬមើលវីដេអូលើ YouTube តាមរយៈកម្មវិធី Chrome។ ទៅថ្ងៃអនាគត ក៏នឹងបើកឲ្យគាំទ្រជាមួយពពួកកម្មវិធី Microsoft Office និងកម្មវិធីជាច្រើនទៀត ផ្អែកទៅតាមការសម្រិតសម្រាំងពីសំណាក់ Developers។
ប្រភពពី Asus ផ្ទាល់បានប្រាប់ជាសាធារណៈ ZenBook Pro 15 (UX580) មានតម្លៃប្រមាណ ២ ២៩៩ ដុល្លារ បើកលក់ជាសាធារណៈក្នុងខែកក្កដា ដូច្នេះអ្នកមានថវិកាច្រើនអាចលៃលកសាកល្បងបទពិសោធន៍ថ្មីមួយនេះបាន៕
ទស្សនាវីដេអូខាងក្រោម:
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ទូរសព្ទអេក្រង់លាតរបស់ Vivo លេចមុខម្ដងទៀតក្នុងវីដេអូថ្មី
ប្លែកភ្នែកខ្លាំង កុំព្យូទ័រអេក្រង់ ២ ចេញដោយ Asus (មានវីដេអូ)