សយ សី សរសើទឹកចិត្តគ្រូ ឆ្លៀតពីការងារផ្ទាល់ខ្លួននៅបង្រៀនសិស្សទៀត
- 2018-06-07 09:53:08
- ចំនួនមតិ 0 | ចំនួនចែករំលែក 0
សយ សី សរសើទឹកចិត្តគ្រូ ឆ្លៀតពីការងារផ្ទាល់ខ្លួននៅបង្រៀនសិស្សទៀត
ចន្លោះមិនឃើញ
អ្នកលេងគុនខ្មែរ និងជានិស្សិតផងនោះ សយ សី ថា ពិតជាស្រឡាញ់ទឹកចិត្តគ្រូរបស់ខ្លួន ឡុង វិបុល រាល់ថ្ងៃនេះឃើញរវល់ណាស់ជាមួយការងារ ហើយនៅឆ្លៀតបង្រៀនសិស្សនានាត្រៀមការប្រកួតថែមទៀតផង។
សយ សី បានឲ្យដឹងថា ទឹកចិត្តគ្រូរបស់ខ្លួន ឡុង វិបុល ពិតជាអាណិតស្រឡាញ់ និងយកចិត្តទុកដាក់ជាមួយសិស្សខ្លាំង ពេលដែលកូនសិស្សចូលដំបូង គឺអោយស្នាក់នៅ ហូបចុកជាមួយ ក្រៅតែពីនេះ ពេលសិស្សឡើងវ៉ៃដំបូងៗបានលុយតិចតួច មិនចង់យកពីសិស្សឡើយ ព្រោះអាណិតសិស្ស។
អ្នកប្រដាល់ទម្ងន់ ៥៧គីឡូក្រាមរូបនេះបន្ថែមថា រូបគេពិតជាស្រឡាញ់ទឹកចិត្តរបស់គ្រូខ្លួនខ្លាំង បើទោះជាគ្រូមានការងាររវល់កិច្ចការសំណង់យ៉ាងណាក្ដី ក៏មិនភ្លេចដែរបង្ហាត់បង្រៀនសិស្ស។ ក្លឹបប្រដាល់គេភាគច្រើនបង្ហាត់សិស្សពេលល្ងាច ប៉ុន្តែក្លឹប វិបុលដារិទ្ធិពោធិសែនជ័យ គឺហាត់ពេលយប់ព្រោះគ្រូជាប់ធ្វើការងារដែរ។ កីឡាករមកពីកំពង់ចាមខាងលើក៏ថ្លែងអំណរគុណជាខ្លាំង ចំពោះលោកគ្រូ ឡុង វិបុល ដែលបានជួយបង្ហាត់បង្រៀនដល់សិស្សគ្រប់គ្នារួមទាំងខ្លួនផងដែរ បើមិនមានការជួយនេះទេ ក៏អ្នកប្រដាល់រូបនេះមិនដឹងថាបានរៀនដល់សកលវិទ្យាល័យយ៉ាងណានោះទេ។
សយ សី ជាអ្នកប្រដាល់មកពីខេត្តកំពង់ចាម បច្ចុប្បន្នជានិសិ្សតផ្នែកសំណង់ស៊ីវិល និងជាសិស្សគុននៅក្លឹបវិបុលដារិទ្ធិពោធិសែនជ័យ កាលពីប៉ុន្មានថ្ងៃមុននេះក៏បានចូលរួមប្រកួតកីឡាជាតិលើកទី២ផងដែរ៕