ធន់ មករា និង លន បញ្ញា បានលុយរង្វាន់ភ្លាម ទិញម៉ូតូភ្លែត
- 2018-06-07 02:52:16
- ចំនួនមតិ 0 | ចំនួនចែករំលែក 0
ធន់ មករា និង លន បញ្ញា បានលុយរង្វាន់ភ្លាម ទិញម៉ូតូភ្លែត
ចន្លោះមិនឃើញ
អ្នកប្រដាល់វ័យក្មេង និងកំពុងសាបព្រោះកេរ្តិ៍ឈ្មោះក្នុងវិស័យប្រដាល់ ធន់ មករា និង លន បញ្ញា ប្រាក់រង្វាន់ដែលបានពីការដណ្ដើមពានរង្វាន់នៅសង្វៀនប៉ុស្តិ៍លេខ៥ កាលពីចុងខែឧសភា ២០១៨ បាននាំគ្នាទិញហើយ។
តាមការឲ្យដឹងពីអ្នកទាំងពីរថា ដោយសាររាល់ថ្ងៃមិនទាន់មានម៉ូតូផ្ទាល់ខ្លួនប្រើប្រាស់ប្រចាំថ្ងៃ ជាពិសេសពិបាកក្នុងការរកអីជិះមកហ្វឹកហាត់ និងទៅថ្លឹងទម្ងន់ផងនោះ ទើបពេលមានលុយដែលជាប្រាក់រង្វាន់ដែលទទួលបានក្នុងការប្រកួតផ្ដាច់ព្រ័ត្រក៏សម្រេចថាយកទៅម្ដងទៅ។ ជើងខ្លាំងពីរនេះបន្ថែមទៀតថា សប្បាយចិត្ត និងមានមោទនភាពដែរ ដែលបានទិញរបស់ប្រើប្រាស់ដោយលុយខ្លួនឯង មិនយកលុយអ្នកផ្ទះ ហើយថែមទាំងផ្ដល់ថវិកាដែលសេសល់ជូនឪពុកម្ដាយថែមទៀតផង។
ធន់ មករា គេទិញម៉ូតូម៉ាក Suzaki let ចំណែកឯ លន បញ្ញា វិញគេទិញម៉ូតូម៉ាក Honda Dream ចំពោះតម្លៃវិញទាំងម៉ូតូទាំងពីរនេះប្រហែល ២ ពាន់ដុល្លារដូចគ្នា។
រំលឹកដែរថា ធន់ មករា ជាម្ចាស់ពានរង្វាន់ TV5 ទទួលបានទឹកប្រាក់ចំនួន ៤ពាន់ដុល្លារ និងជាម្ចាស់មេដាយសំរឹទ្ធកីឡាជាតិលើកទី២ ខណៈ លន បញ្ញា ជើងឯករងលេខ២ ទទួលបានទឹកប្រាក់ ២ពាន់ដុល្លារ កាលពីថ្ងៃទី២៣ ខែឧសភា ឆ្នាំ២០១៨ ដែលជាវគ្គផ្ដាច់ព្រ័ត្រពានរង្វាន់ខាងលើ ក្នុងប្រភេទទម្ងន់ ៥៧គីឡូក្រាម៕