ប៉ុន្មានចំណុចនេះ មិនបាច់ជះលុយលើ iPhone X ត្រឹម iPhone 8 ក៏ខ្លាំងល្មមគិតគូរបាន

2018-06-10 23:33:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple ឆ្នាំមុនបានប្រកាសចេញ iPhone 8, 8 Plus និង iPhone X តម្លៃចាប់ពី ៧០០ ដុល្លារ ដល់ខ្ទង់ពាន់ដុល្លារ។

iPhone X ជាការវិវត្តថ្មីនៃត្រកូលទូរសព្ទ Apple ដោយមានអេក្រង់លាតពេញ គ្មានប៊ូតុង Home។iPhone 8 ក៏ចេញពេលដំណាលគ្នា។

មានហេតុផលអាចជ្រើសរើស ពីលើ iPhone X បាន៖

១) iPhone X តម្លៃខ្ទង់ពាន់

iPhone X តម្លៃចាប់ពី ១ ០០០ ដុល្លារឡើងទៅ ថ្លៃជាង iPhone 8 និង 8 Plus។ មុខងារប្រើប្រាស់សឹងតែមិនលើសខ្វះគ្នានោះទេ។ បើចំណាយលុយដល់ខ្ទង់ពាន់លើស្មាតហ្វូន ដូចជាការវិនិយោគធំពេក គិតគូរត្រឹម iPhone 8 និង 8 Plus ចំណេញពីរបីរយដុល្លារ។

២) iPhone 8 និង 8 Plus មានខួរក្បាលដូចនឹង iPhone X

ទាំង iPhone 8 និង 8 Plus ប្រើខួរក្បាលដូចនឹង iPhone X ខុសគ្នាត្រង់ Phone X ប្រើ Chip A11 និង Neural engine សម្រាប់មុខងារស្កេនមុខ Face ID ដែល iPhone 8 គ្មាន។

៣) Touch ID ដំណើរការលឿនជាង Face ID

Touch ID អាចប្រើ Unlock device និងFace ID ល្បឿនមិនទាន់ដល់ Touch ID នោះទេ តែអនាគតជារឿងមួយផ្សេង។

Apple បញ្ជាក់ថា Face ID មានហានិភ័យបន្លំតិចតួចជាង Touch ID ហើយអាចដំណើរការលើស្ថានភាពងងឹត, ពេលពាក់មួក ឬវ៉ែនតា ឬ ពេលផ្លាស់ប្ដូរមុខ (ចម្រើនវ័យ ឬដុះពុកមាត់)។ បែបនេះក្តី Touch ID ស្រួលប្រើប្រាស់ មិនតម្រូវមើលទូរសព្ទរាល់ពេលមុនប្រើនោះទេ។

Face ID មានសក្ដានុពលធំធេង តែ Touch ID ជាស្តង់ដារដ៏ល្អមួយ សឹងថាមិនអាចខ្វះបានលើស្មាតហ្វូនបច្ចុប្បន្ន។

៤) iPhone 8, 8 Plus អាចសាកថ្មតាម Wireless ជាលើកដំបូងដូចនឹង iPhone X

iPhone 8, 8 Plus និង X អាចសាកថ្មតាម Wireless ប្រើស្តង់ដារ Qi និង Fast charging។ តែតម្រូវទិញឧបករណ៍បន្ថែម។

Apple ផ្ដល់ជម្រើសបន្ទះសាកថ្ម AirPower ហើយត្រូវទិញខ្សែ Lightning to USB-C និងដុំបញ្ជូនថាមពល USB-C បើចង់បាន Fast charging សម្រាប់ iPhone 8, 8 Plus ឬ X។

៥) កាមេរ៉ាក្រោយ

កាមេរ៉ាក្រោយ iPhone 8 Plus ស្ទើរដូចគ្នាទៅនឹង iPhone X។ iPhone 8 ថតបានល្អ តែ 8 Plus បន្ថែម Telephoto lens ទីពីរ អាចពង្រីកទិដ្ឋភាព ដោយមិនបាត់បង់គុណភាពរូបភាព។

ខុសគ្នាត្រង់ X មានមុខងារទប់លំនឹងរូបភាព ទាំង Wide angle និង Telephoto lens សម្រាប់រូបភាពច្បាស់ ជាពិសេស មាន Settings ប្រើពេលស្ថានភាពមានពន្លឺទាប។ iPhone 8 Plus មានមុខងារទប់លំនឹងលើ Wide angle lens ដូចនឹង iPhone 7 Plus ជំនាន់មុន។

៦) កាមេរ៉ាមុខ

កាមេរ៉ា FaceTime HD លើ iPhone 8 និង 8 Plus មានមុខងារស្ទើរដូចនឹងប្រព័ន្ធកាមេរ៉ា TrueDepth របស់ iPhone X។ អាចថតរូបបានទំហំ 7 Megapixels, មាន Aperture f/2.2 និងថតវីដេអូកម្រិត 1080p។

ខុសគ្នាត្រង់ iPhone X មាន Portrait Mode លើកាមេរ៉ាមុខ។ Portrait Lighting អាចលុបផ្ទៃខាងក្រោយ ពេលថត Selfies បាន។ Animoji អាចថត និងផ្ញើរូបមានចលនា Emojis ទៅកាន់មិត្តភក្ដិ ប្រើទម្រង់មុខ និងសំឡេង។ តែមុខងារទាំងនេះ គ្មានផ្ដល់ប្រយោជន៍ក្រៅពីការកម្សាន្ត។

៧) iPhone 8 មិនមាន Notch នោះទេ

ប្រព័ន្ធកាមេរ៉ា TrueDepth នាំការរំខានដល់អេក្រង់លាតពេញដ៏ស្រស់ស្អាតរបស់ iPhone X។ ពេលប្រើ Wallpaper ថ្មី ឬមើលវីដេអូ មើលទៅហាក់ទើសៗបន្តិចដែរ ខណៈកម្មវិធីជាច្រើនហាក់មិនទាន់ សម្រួល Layout ឲ្យត្រូវនឹង iPhone X។

៨) អាចប្រើ Case ចាស់របស់ iPhone 7 ឬ 7 Plus បាន ពេល Upgrade

ទ្រង់ទ្រាយរបស់ iPhone 8 និង 8 Plus ស្ទើរតែដូចនឹង iPhone 7 និង 7 Plus គ្រាន់តែរាងធ្ងន់ និងមានកម្ពស់ ប្រវែង និងជម្រៅ ខុសគ្នាតិចជាងមួយមីលីម៉ែត្រ ដែលអាចប្រើ Case ចាស់ iPhone 7 បាន។

ទ្រង់ទ្រាយ iPhone X ខុសគ្នាពីម៉ូដែលចាស់ ដូច្នេះ Case ចាស់ប្រហែលទុកចោល។

៩) ថាមពលថ្ម