Bella បានកាដូគាប់ចិត្ត ពីថ្នាក់លើរបស់ទូរទស្សន៍ប៉ុស្តិ៍លេខ ៣ថៃ
- 2018-06-10 23:30:00
- ចំនួនមតិ 0 | ចំនួនចែករំលែក 0
Bella បានកាដូគាប់ចិត្ត ពីថ្នាក់លើរបស់ទូរទស្សន៍ប៉ុស្តិ៍លេខ ៣ថៃ
ចន្លោះមិនឃើញ
ដោយសារភាពជោគជ័យដ៏ធំធេងរបស់ភាពយន្តភាគថៃ "បុព្វេសន្និវាស” ទើប Bella Ranee ថ្មីៗនេះល្បីសុសសាយជុំវិញតំបន់អាស៊ី ដែលជាលទ្ធផលស្មានមិនដល់។
ថ្មីៗនេះ តារាស្រីកូនកាត់រូបនេះ មានឱកាសបានលើកពានជាច្រើនហូរហែ ដែលបានមកពីការខិតខំប្រឹងប្រែងក្នុងការងារសម្ដែងនាពេលកន្លងមក។ កាន់តែពិសេសនាង ក៏មានលេចឮព័ត៌មានថា Bella បានទទួលកាដូពិសេសពីថ្នាក់លើម្នាក់របស់ទូរទស្សន៍ថៃប៉ុស្តិ៍លេខ ៣ មានឈ្មោះ K. Prachum Maleenont ទៀតផង។
តាមរយៈបទសម្ភាសមួយជាមួយក្រុមអ្នកសារព័ត៌មាន តួស្រីការាកេតរូបនេះទទួលស្គាល់ថានេះជាការពិត ប៉ុន្តែនាងមិនអាចបញ្ជាក់ថាទំហំនៃរង្វាន់លើកទឹកចិត្តនោះទេ គ្រាន់តែអះអាងថាវាជា រង្វាន់អស្ចារ្យបំផុតសម្រាប់នាង។
អាចនិយាយបានថា រយៈពេល២ឆ្នាំចុងក្រោយនេះ Bella ឆក់បានឱកាសមាស ឱកាសប្រាក់ច្រើនជាបន្តបន្ទាប់។ ឧទាហរណ៍ជាក់ស្ដែងកាលពីឆ្នាំមុន នាងល្បីមិនធម្មតាតាមរយៈរឿង "ភ្លើងបុណ្យ” ហើយឈានចូលឆ្នាំ ២០១៨ "បុព្វេសន្និវាស” ក៏បានធ្វើឲ្យស្រីស្អាតរូបនេះក្លាយជាតារាស្រីឆ្នើមម្នាក់ប្រចាំប្រទេសដែរ។
គួរបញ្ជាក់ផងដែរថា កាលពីថ្ងៃទី ០៨ ខែមិថុនាកន្លងទៅ Bella បានទទួលពានរង្វាន់ "People's Choice” ពីកម្មវិធីប្រគល់ពានរង្វាន់ Nine Entertainment Awards 2018 ហើយពាននេះមានតម្លៃធំធេងណាស់ចំពោះនាង។ មិនមែនបញ្ឈប់តែត្រឹមនេះទេ តារាស្រីកើតឆ្នាំ ១៩៨៩រូបនេះ ក៏ប្ដេជ្ញាខំប្រឹងបន្ថែមទៀត ក្នុងការសម្ដែងក្នុងរឿងថ្មីក្រោយៗរបស់នាងជាបន្ត៕