ពាន Ganzberg Cup ត្រូវផ្អាកការប្រកួតរយៈពេលជិត២ខែ

2018-06-13 06:51:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានហ្វូតសាល Ganzberg Futsal Cup 2018 បានរកឃើញក្រុមឡើងវគ្គ១៦ក្រុមចុងក្រោយហើយ បន្ទាប់ពីប្រកួតតាំងពីថ្ងៃទី២១ ខែមករា ឆ្នាំ២០១៨ ប៉ុន្តែពេលនេះត្រូវសម្រាករយៈពេល៧សប្តាហ៍ទើបបន្តការប្រកួតវគ្គ១៦ក្រុមចុងក្រោយ។

សកម្មភាពប្រកួតកន្លងមក

លោក ស៊ីថូ ណាថាន់ ប្រធានផ្នែកកីឡានៅ CBS និងជាអ្នករៀបចំការប្រកួតពានរង្វាន់មួយនេះបានប្រាប់ថា ពេលនេះការប្រកួតរកបាន១៦ក្រុមចុងក្រោយហើយ។ វគ្គ១៦ក្រុមចុងក្រោយនេះជ្រើសរើសចេញពីក្រុមចំនួន២៤ចុងក្រោយដោយក្នុងនោះក្រុមឈ្នះការប្រកួត១២ក្រុម និង៤ក្រុមផ្សេងទៀតជ្រើសរើសតាមរយៈលទ្ធផលចាញ់ល្អជាងគេដើម្បីបង្កើតងាយស្រួលប្រកួតឡើងវគ្គ៨ក្រុមចុងក្រោយ។

លោកបន្តថា បន្ទាប់ពីជ្រើសរើសបាន១៦ក្រុមចុងក្រោយ ការប្រកួតត្រូវសម្រាករយៈពេល៧សប្តាហ៍ពោលគឺចាប់ពីថ្ងៃទី១០ ខែមិថុនា ដល់ថ្ងៃទី២២ ខែកក្កដា ឆ្នាំ២០១៨ទើបដំណើរការប្រកួតវិញ។ ការសម្រាកនេះដោយសារ CBS ជាប់រវល់ផ្សាយបន្តផ្ទាល់ការប្រកួតបាល់ទាត់ពិភពលោក FIFA World Cup 2018 ដែលចាប់ផ្តើមនៅថ្ងៃទី១៤ ខែមិថុនានេះ៕