រិន សារ័ត្ន រៀបរាប់ពីសមត្ថភាពដៃគូដែលត្រូវប៉ះគ្នានៅម៉ាកាវខាងមុខនេះ

2018-06-13 02:52:41
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ រិន សារ័ត្ន ថា បើមើលតាមវីដេអូប្រកួតកន្លងមករបស់ Mario Satya Wirawan ដែលជាដៃគូម្នាក់នេះមានសមត្ថភាព ប្រហាក់ប្រហែលខ្លួន ដូច្នេះអាចស៊ីសងគ្នាបាន នាជំនួបមិត្តភាពនៅទីក្រុងម៉ាកាវ។

កីឡាករ រិន សារ័ត្ន

រិន សារ័ត្ន បានឲ្យដឹងថា Mario Satya Wirawan ដែលជាជនជាតិឥណ្ឌូណេស៊ីរូបនេះគេល្អ ប៉ុន្តែបើគិតទៅគឺប្រហាក់ប្រហែលនិងសមត្ថភាពរបស់ខ្លួននោះទេ និយាយជារួមអាចស៊ីសងគ្នាបាន វាខុសពីដៃគូពីមុនៗ ដែលគេសមត្ថភាពល្អខ្លាំង ដែលធ្វើឲ្យខ្លួនមិនអាចរកជ័យជម្នះបាន។ អ្នកប្រដាល់របស់កម្ពុជាខាងលើនេះបន្ថែមថា ដៃគូមិនពូកែជំហរវ៉ៃសេរីនោះទេ ខណៈការចូលចាប់ក៏មធ្យមប៉ុណ្ណោះ។

រិន សារ័ត្ន និងគ្រូ រាជ

កូនសិស្សលោកគ្រូ ហ៊ុន ចាន់រាជ លើកឡើងទៀតថា ការប្រកួតនេះរូបគេបានត្រៀមខ្លួនរួចរាល់ហើយ អាចថាទាំងការហ្វឹកហាត់ និងស្នៀតប្រយុទ្ធនោះ។ ពេលចូលទឹកដំបូង សារ័ត្ន ប្រហែលត្រឹមលេងទប់ៗប៉ុណ្ណោះ ទុកកម្លាំងចូលលេងទឹកទី២ឡើងទៅ។

កម្មវិធីប្រកួតនៅម៉ាកាវ

កីឡាករ រិន សារ័ត្ន នឹងត្រូវប៉ះជនជាតិឥណ្ឌូណេស៊ី Mario Satya Wirawan នាថ្ងៃទី២៣ ខែមិថុនា ឆ្នាំ២០១៨ខាងមុខនៅទីក្រុងម៉ាកាវ ខណៈជើងខ្លាំងកម្ពុជា សុខ ធី ក៏នឹងចេញដំណើរទៅប្រកួតនៅទីនោះផងដែរ។ កីឡាករទាំងពីរនឹងចាក់ចេញពីកម្ពុជាជាមួយលោកគ្រូ ហ៊ុន ចាន់រាជ នាថ្ងៃទី១៩ មិថុនា ២០១៨៕

អត្ថបទ៖ នួន ស៊ីណា