Ford Transit ភាគច្រើនគេយកមករត់ឈ្នួលមែន តែមើលបច្ចេកវិទ្យាវិញម៉ាបេន

2018-06-13 09:05:25
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តប្រភេទ ១៥កៅអី Ford Transit ថ្វីត្បិតនៅកម្ពុជា ត្រូវបានក្រុមហ៊ុនជាច្រើនទិញយកមករត់ឈ្នួលក៏ពិតមែន តែបានប្រើបច្ចេកវិទ្យាមួយចំនួនដែលអ្នកគួរតែកត់សម្គាល់ ដូចជា៖

បញ្ជាដោយសំឡេង៖ មានប្រព័ន្ធ SYNC 2 ដែលអាចបញ្ជាដោយសំឡេង និង Bluetooth សម្រាប់ចាក់តន្ត្រី ឬកម្សាន្តផ្សេងៗ ព្រមទាំងរូបរាងកុងទ័រក៏ទំនើប។

បិទបើកស្វ័យប្រវត្តិ៖ ឡានសេរ៊ីទំនើបភាគច្រើនសុទ្ធតែមានឈ្នាន់អូតូរាល់ពេលបើកទ្វារ និងកញ្ចក់ចំហៀងក្ដោបអូតូ ដើម្បីងាយស្រួលឡើងចុះ និងពេលចតម្ដងៗ។ Ford Transit សេរ៊ីថ្មី ក៏មិនចាញ់គេដែរត្រង់ចំណុចនេះ រីឯទ្វារខាងក្រោយអាចបើកបានដល់ ២៧០ដឺក្រេ។

ប្រព័ន្ធសុវត្ថិភាព៖ ដោយសារជាប្រភេទឡានផ្ទុកអ្នកដំណើរច្រើន Ford Transit 2018 ក៏មានប្រព័ន្ធសុវត្ថិភាពដូចជា ប្រព័ន្ធទប់លំនឹង និងការក្រឡាប់ (Roll Over Mitigation) ក្នុងករណីផ្លូវកោងតាម Sensor, ប្រព័ន្ធ Traction Control រក្សាភាពនឹងល្អ មិនឃ្លោង មិនវេរ គ្រប់ស្ថានភាពផ្លូវ ប្រព័ន្ធផ្ដល់សញ្ញាគ្រោះថ្នាក់អាចកើតមានខាងមុខ (Pre-Collision Warning), កាមេរ៉ា និងប្រព័ន្ធជំនួយការចត (Rear Camera with Front & Rear Sensors), ប្រព័ន្ធហ្វ្រាំង ABS និង EBD, ប្រព័ន្ធទប់លំនឹងពេលឡើងចំណត (Hill Start Assist) ។

រចនាផ្ដោតលើភាពងាយស្រួលដូច SUVs៖ ទាំងការរចនាកៅអី ចង្កូតសម្រាប់អ្នកបើកបរ កម្លាំងម៉ាស៊ីន សុទ្ធតែផ្ដោតលើភាពងាយស្រួលរបស់អ្នកធ្វើដំណើរដូចទៅហ្នឹងប្រភេទ SUVs ដែរ។

ចង់ដឹងកាន់តែច្បាស់ មើលវីដេអូខាងក្រោម៖