ទម្លាយទឹកប្រាក់រាប់ពាន់លានដុល្លារ លើផ្លូវល្បឿនលឿនភ្នំពេញ-ព្រះសីហនុ

2018-06-15 03:59:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតគម្រោងសាងសង់ផ្លូវល្បឿនលឿនពីភ្នំពេញទៅកាន់ ខេត្តព្រះសីហនុ ត្រូវបានក្រុមប្រឹក្សាអភិវឌ្ឍកម្ពុជា (CDC) អនុម័តរួចរាល់ហើយ ដោយអនុញ្ញាតច្បាប់ឲ្យក្រុមចិនឈ្មោះ CAMBODIAN PPSHV EXPRESSWAY CO.,LTD. ជាអ្នកអនុវត្តការសាងសង់តាមរូបមន្ត (BOT) ដែលរាជរដ្ឋាភិបាលកម្ពុជាចង់បាន។

តាមទំព័រហ្វេសប៊ុកផ្លួវការរបស់ (CDC) បានឲ្យដឹងថា ទំហំទឹកប្រាក់វិនិយោគលើគម្រោងផ្លូវល្បឿនលឿនដំបូងបំផុតនៅប្រទេសកម្ពុជា ត្រូវចំណាយប្រមាណ ១.៨៧ ប៊ីលានដុល្លារសហរដ្ឋអាមេរិក និងអាចបង្កើតឱកាសការងារដល់ប្រជាពលរដ្ឋ ៩, ៥១៥កន្លែងទៀតផង។

រូបតំណាង

ដោយបើតាមប្រសាសន៍របស់ឯកឧត្ដម ស៊ុន ចាន់ថុល ទេសរដ្ឋមន្ត្រីក្រសួងសាធារណការធ្លាប់បានឲ្យដឹងថា គម្រោងសាងសង់ផ្លូវល្បឿនលឿននេះ អាចនឹងចាប់ផ្ដើមបើកការដ្ឋាននៅចុងឆ្នាំ២០១៨។ បច្ចុប្បន្ននេះរដ្ឋាភិបាលកំពុងចរចាទិញដីពីប្រជាពលរដ្ឋ និងទូទាត់សំណងដែលរងការប៉ះពាល់។

ផ្លូវល្បឿនលឿនពីភ្នំពេញ-ព្រះសីហនុ មាន៤គន្លង ប្រវែង ១៩០,៦៣គីឡូម៉ែត្រ ចេញពីភ្នំពេញ រហូតដល់ខេត្តព្រះសីហនុ ជាផ្លូវថ្មីទាំងស្រុង និងតួផ្លូវមានទទឹង ២៤ម៉ែត្រ។ ផ្លូវនេះក្រាលកៅស៊ូ AC មានសួនច្បារខណ្ឌកណ្ដាល មានផ្លូវបំបែកប្តូរទិស មានទីតាំងឈប់សម្រាក មានរបងបាំងសងខាងផ្លូវ និងហេដ្ឋារចនាសម្ព័ន្ធសំណង់សេវាគាំទ្រជាច្រើនទៀត៕

ចុចអាន៖

អត្ថបទ៖ វឌ្ឍនៈ