៣ កម្មវិធីពិសេស អ្នកចង់កាត់តវីដេអូដាក់លើ YouTube ដឹងតែអេមហ្មង

2018-06-20 07:52:13
ចំនួនមតិ 0 | ចំនួនចែករំលែក 0

ចន្លោះមិនឃើញ

YouTube មានមុខងារកាត់តវីដេអូច្រើន តែត្រូវផ្អាកមួយចំនួនបន្សល់ត្រឹមមុខងារ តម្រឹមវីដេអូ, កែប្រែពន្លឺ និងពណ៌ រួមទាំងលុបចោលចលនារង្គើរបស់កាមេរ៉ា។

តែនេះមិនគ្រប់គ្រាន់នោះទេ ដើម្បីឲ្យវីដេអូកាត់តចេញមកមានគុណភាព។ Windows 10, iOS, Android សុទ្ធតែមានកម្មវិធីកាត់តល្អៗ អាចប្រើបាន។

លើ Windows 10

Windows 10 ចាប់ពីជំនាន់អាប់ដេត ឈ្មោះ Fall Creators Update មានកម្មវិធី Photos អាចផលិត និងកាត់តវីដេអូបាន។

អាចពិនិត្យមើលជំនាន់អាប់ដេតបានដោយចុចលើប៊ូតុង Start លើ Windows 10 > Settings > System > About រួចចាប់អារម្មណ៍ត្រង់លេខជំនាន់ បើមានលេខ ១៧០៩ ឬខ្ពស់ជាងនេះ គឺអាចមានមុខងារកាត់ត។ បើតួលេខតិចជាងនេះ អាចធ្វើការអាប់ដេត ចូលទៅកាន់ Settings > Update & Security > Windows Update > Check for updates។

បើកកម្មវិធី Photos > ចុចលើប៊ូតុង Create នៅជ្រុងលើខាងស្តាំ រួចជ្រើសរើស វីដេអូភ្ជាប់ជាមួយតន្ត្រី។

ជ្រើសរើសវីដេអូចង់កាត់ត > ចុចប៊ូតុង Create ក្នុងការបញ្ចូល > កម្មវិធី Photos នឹងសួរឲ្យដាក់ចំណងជើង រួចចុច OK។

ទាញវីដេអូខ្លីៗ ពីផ្ទាំងលើខាងឆ្វេង (Project library) ទៅកាន់តារាងវីដេអូខាងក្រោម។ បើមានវីដេអូខ្លីៗច្រើន អាចតម្រៀបតាមលំដាប់បាន។

ដើម្បីតម្រឹមរយៈពេលវីដេអូ ចុច Mouse ស្តាំ រួចជ្រើសរើស Trim។

ប្រើប៊ូតុង Slider នៅខាងក្រោមអេក្រង់អូស ដើម្បីជ្រើសរើសផ្នែកវីដេអូណាមួយចង់កែប្រែ រួចចុច Done។

ក៏អាចប្រើ Filters, ស្ទីល Motion និង អក្សរនានា ទៅលើវីដេអូបានផងដែរ។

អាចបញ្ចូលតន្ត្រីនានា ទៅកាន់វីដេអូបាន។

ពេលចប់ការកាត់តវីដេអូ អាចផ្ញើរចេញដោយផ្ទាល់ទៅកាន់ YouTube។ ចុចលើប៊ូតុង Export ឬ Share > ជ្រើសរើសទំហំខ្នាតវីដេអូ។ កម្មវិធីធម្មតានឹងណែនាំឲ្យប្រើទំហំកម្រិតមធ្យម សម្រាប់ចែករំលែកវីដេអូចេញលើ Online អាចជ្រើសយកបាន។

វីដេអូផលិតបាន មានជម្រើសអាចចែករំលែកទៅកាន់បណ្តាញសង្គមនានាបាន ជាមួយនឹងជម្រើស Share to social media, email, or another app។

ត្រង់ផ្ទាំង Share ចុចយកជម្រើស Upload to YouTube។

ពេលធ្វើដំបូង កម្មវិធីនឹងលោតផ្ទាំងមួយសម្រាប់បញ្ចូលគណនី Youtube។ រួចត្រង់ផ្ទាំង Upload to YouTube វាយបញ្ចូលចំណងជើង ការពិពណ៌នា និង Tags សម្រាប់វីដេអូ។ បន្ទាប់មក ជ្រើសរើសវីដេអូឲ្យ Public ឬ Private > ចុចប៊ូតុង Upload។

កម្មវិធីនឹងរៀបចំ ធ្វើការ Upload វីដេអូទៅកាន់ YouTube។ ក្រោយចប់សព្វគ្រប់ ចុចលើ Link ដើម្បីបើកមើលវីដេអូលើ YouTube។

លើ iPhone និង iPad

ក្រោយថតបានវីដេអូលើ iPhone ឬ iPad ហើយចង់កាត់តមុនពេល Upload ចូល YouTube អាចសាកល្បងកម្មវិធី Videorama នេះបាន។

បើកកម្មវិធី > ជ្រើសរើសទំហំសម្រាប់ផលិតវីដេអូ មានផ្តេក ជ្រុងការេ ឬ បញ្ឈរ រួចកម្មវិធីនឹងស្នើសុំអនុញ្ញាតចូលប្រើរូបភាព និងវីដេអូ ក្រោយមកអាចជ្រើសរើសវីដេអូបានរក្សាទុកលើ Device បាន។

អ្នកក៏អាចបន្ថែមរូបភាព ឬវីដេអូខ្លីៗពី Library, ដាក់អក្សរ, ថតសំឡេង នឹងជម្រើសជាច្រើនទៀត។ ពេលគ្រប់យ៉ាងរួចរាល់ ចង់ដាក់វីដេអូលើ YouTube ចុចលើ OK, Share។

ត្រង់ផ្ទាំង Share ជ្រើសរើសទំហំ Resolution និងល្បឿន Frame rate ចង់បានសម្រាប់វីដេអូ > ចុចលើ YouTube។

Sign In ចូលគណនី YouTube ឬ Google រួច Allow កម្មវិធីឲ្យចូលប្រើគណនី YouTube។ កម្មវិធី Videorama នឹងរក្សាទុក ហើយ Upload វីដេអូ។ ក្រោយដំណើរការចប់ នឹងឃើញវីដេអូលើ YouTube Channel។

លើ Android

អ្នកប្រើប្រាស់ Android មានកម្មវិធីមួយអាចសាកប្រើបានគឺ Videoshop។ បើកកម្មវិធី > ចុចលើជម្រើស Create an album > ជ្រើសរើសវីដេអូ រួចកម្មវិធីនឹងបញ្ចូល និងបង្ហាញវីដេអូនោះលើផ្ទាំងកាត់ត។ ត្រង់នោះ អ្នកអាចតម្រឹម កាត់ត ដាក់អក្សរ បញ្ចូលតន្ត្រី កែប្រែល្បឿន ពង្រីកបង្រួម ឬបង្វិលវីដេអូ ព្រមទាំងអាចកែប្រែពន្លឺបានផងដែរ អាចជ្រើសរើសកែប្រែតាមការគួរ។