តួ Jon Show និង Ygritte របស់រឿង "Game of Thrones” រៀបការនឹងគ្នាហើយ
- 2018-06-24 04:47:24
- ចំនួនមតិ 0 | ចំនួនចែករំលែក 0
តួ Jon Show និង Ygritte របស់រឿង "Game of Thrones” រៀបការនឹងគ្នាហើយ
ចន្លោះមិនឃើញ
តារាសម្ដែងរឿង "Game of Thrones” ដែលសម្ដែងជាតួ Jon Show និង Ygritte បានភ្ជាប់ចំណងជីវិតនឹងគ្នាហើយកាលពីថ្ងៃសៅរ៍ ដោយមានការចូលរួមអបអរ ពីមិត្តភ័ក្ដិជាច្រើន។
ពិធីរៀបការដ៏សេនមានន័យរបស់គូស្នេហ៍តារាសម្ដែង Kit Harington និង Rose Leslie បានប្រារព្ធឡើងនៅព្រះវិហារ Kirkton of Rayne ក្នុងប្រទេសស្កុតឡែន។ ភ្ញៀវកិត្តិយសជាច្រើនបានមកចូលរួមសាទរថ្ងៃពិសេសនេះ ក្នុងនោះភាគច្រើនគឺជាតួសម្ដែងពីក្នុងរឿង "Game of Thrones”។
ថ្ងៃនោះដែរ កូនក្រមុំ Leslie ពិតជាលេចធ្លោជាងអ្នកណាទាំងអស់ ជាមួយរ៉ូបស្បៃដៃវែង អមជាមួយផ្កាមួយបាច់កាន់នៅនឹងដៃ និងស្បៃក្បាលសចាំងដ៏ស្រស់ស្អាត។ ចំណែកកូនកំលោះ Haringstonវិញពាក់អាវសពីក្នុង ជាមួយនឹងក្រវ៉ាត់ក អាវធំពីក្រៅ និងខោពណ៌ប្រផេះ។
ផ្អែកតាមប្រភពព័ត៌មានជាច្រើនដែលបានចុះផ្សាយនាពេលកន្លងមក បានបញ្ជាក់ថា Harington និង Leslie បានភ្ជាប់ទំនាក់ទំនងស្នេហានឹងគ្នាអស់រយៈពេល ៤ឆ្នាំមកហើយ ហើយទីបំផុតក្ដីស្នេហ៍ស្មោះស្ម័គ្ររបស់អ្នកទាំង ២ក៏បាននាំពួកគេឲ្យឈានដល់ថ្ងៃមង្គលជ័យនេះបានសម្រេច៕
ភ្ញៀវកិត្តិយសចូលរួម៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
