តោះ! មកស្គាល់បិតាប្រើកែងក្នុងដ៏មានប្រសិទ្ធភាព
- 2018-06-27 00:09:00
- ចំនួនមតិ 0 | ចំនួនចែករំលែក 0
តោះ! មកស្គាល់បិតាប្រើកែងក្នុងដ៏មានប្រសិទ្ធភាព
ចន្លោះមិនឃើញ
បើនិយាយពីប្រដាល់គុនខ្មែរ មានស្នៀតប្រយុទ្ធច្រើនណាស់ មិនថាកណ្ដាប់ដៃ ការទាត់ ឬកែងនោះទេ សុទ្ធតែក្បាច់ដែលគ្រោះថ្នាក់ និងផ្ដួលដៃគូដូចៗគ្នា។ តោះ សាកមើលគិតមើលថាកីឡាករកម្ពុជារូបណាខ្លះដែលចូលចិត្តប្រើកែងបុកក្នុង ហើយឧស្សាហ៍ប្រើនិងប្រសិទ្ធភាពថែមទៀតផង។
១ កីឡាករ ធឿន ធារ៉ា
អ្នកប្រដាល់មកពីខេត្តព្រៃវែងរូបនេះ គឺប្រើកែងបុកនេះសាហាវណាស់ មានកីឡាករថៃច្រើនរូបហើយដែលធ្លាប់រងគ្រោះដោយសារក្បាច់មួយនេះ អាចនិយាយបានល្បីរហូតបច្ចុប្បន្នដោយសារកែងតែម្ដង។ ធារ៉ា ចូលចិត្តបំផុតដៃគូណាដែលឈរវ៉ៃទល់មុខ ព្រោះវាងាយក្នុងការប្រើស្នៀតបុកកែងនេះសម្រាប់គេ។
២ កីឡាករចាស់វស្សា ពេជ្រ សីហា
គេឧស្សាហ៍ឃើញជើងខ្លាំងរូបនេះប្រើប្រាស់ខ្លាំងណាស់ ការបុកកែងក្នុង ឬគេហៅម្យ៉ាងទៀតថាកែងបុកកប៉ាល់ ស្នៀតនេះគេឃើញអ្នកលេងគុនខ្មែរខាងលើប្រើប្រាស់បានល្អ និងផ្ដួលដៃគូទៀតផង។
៣ កីឡាករ ឡៅ ចន្រ្ទា
កីឡាករល្អគ្រប់ស្នៀត ឡៅ ចន្រ្ទា ម្នាក់នេះក៏មិនធម្មតាដែរ កណ្ដាប់ដៃ ជង្គង់ និងថ្មីៗនេះ គេទាត់ក៏ធ្ងន់ថែមទៀតផង។ បើមើលតាមការប្រកួតកន្លងទៅ ជើងខ្លាំងមកពីឆត្រយោង ៩១១ រូបនេះក៏ប្រើកែងបុកក្នុងផងដែរ ប៉ុន្តែមិនជាញឹកញាប់ទេ។
៤ កីឡាករ ផល សោភ័ណ្ឌ
អ្នកប្រដាល់មកពីខណ្ឌដង្កោរូបនេះ ត្រូវបានអ្នកទស្សនាដាក់រហស្សនាមថា អ្នកលេងកែងពិឃាដ គេចូលចិត្តបំផុតនោះគឺកែងបេះ ឬឆ្មក់វាត់កែងក្រៅនៅពេលដៃគូចូលមកតាមវ៉ៃខ្លួនមិនប្រុងប្រយ័ត្ន។ ម្ចាស់ខ្សែក្រវាត់ខារ៉ាប៉ាវខាងលើ ក៏អាចប្រើកែងបុកក្នុង ឬបុកកប៉ាល់បានដូចកីឡាករដទៃដែរ ថែមទាំងទទួលបានជោគច្រើនទៀតផង។
៥ កីឡាករ ឈុត សេរីវណ្ណថង់
អ្នកប្រដាល់មកពីខេត្តដំបងម្នាក់នេះ ក៏លេងកែងសាហាវដែរ បើទោះជាខ្លួនមិនទាន់មានបទពិសោធច្រើនក្ដី ប៉ុន្តែគេស្គាល់ឃើញថា ក្រៅតែពីស្នៀតទាត់រហ័ស និងកណ្ដាប់ដៃនោះ ការប្រើកែងបុកកប៉ាល់ ឬកែងខាងក្នុងក៏ល្អដែរ។ កីឡាករកំពុងរៀនថ្នាក់ទី១២ រូបនេះ ចូលចិត្តស្នៀតកែងនេះណាស់ ហើយភាគច្រើនប្រើតាំងពីទឹកទី១ តែម្ដង។
៦ ព្រំ សំណាង
អ្នកលេងគុនខ្មែរមកពីកំពង់ស្ពឺម្នាក់នេះ ក៏មិនអន់ដែរ ក្រៅតែពីក្បាច់ជង្គង់ដ៏គ្រោះថ្នាក់ និងកណ្ដាប់ដៃមួយៗទៅ ក៏ចូលចិត្តប្រើកែងក្នុងផងដែរ នៅពេលដែលដៃគូរវល់តែទប់និងក្បាច់ចាប់កាច់វ៉ៃជង្គង់នោះ សំណាង ក៏ច្រើនឆ្លៀតវ៉ៃកែងមួយៗថែមទៀត។