កក្រើក២គូវគ្គ១៦ក្រុម អាហ្សង់ទីនប៉ះបារាំង ហើយ ព័រទុយហ្គាល់ប៉ះអ៊ុយរ៉ុយហ្គាយ
- 2018-06-27 02:03:34
- ចំនួនមតិ 0 | ចំនួនចែករំលែក 0
កក្រើក២គូវគ្គ១៦ក្រុម អាហ្សង់ទីនប៉ះបារាំង ហើយ ព័រទុយហ្គាល់ប៉ះអ៊ុយរ៉ុយហ្គាយ
ចន្លោះមិនឃើញ
ការប្រកួត World Cup វគ្គសន្សំពិន្ទុតាមពូលបានបញ្ចប់៤ពូលជាស្ថាពរហើយ គឺនៅពូល A,B, C និង D។
ទោះជាមិនទាន់រកឃើញលទ្ធផលផ្លូវការពីពូល E, F, G និង H ក៏ដោយក៏ក្រុម៤ប៉ះគ្នាវគ្គ១៦ក្រុមបានដឹងជាបណ្ដើរៗហើយ។ គូល្អមើល២គូដែលនឹងប៉ះគ្នាគឺ អ៊ុយរ៉ុយហ្គាយ លេខ១ពូល A ត្រូវប៉ះព័រទុយហ្គាល់លេខ២ពូល B ហើយ អាហ្សង់ទីនលេខ២ពូលD ត្រូវប្រឈមមុខនឹងបារាំងលេខ១ពូលC។
មុនឡើងដល់វគ្គ១៦ក្រុមអ៊ុយរ៉ាហ្គាយបានយកឈ្នះអេហ្ស៊ីប ១ទល់នឹង០, ឈ្នះអារ៉ាប៊ីសាអូឌីត១ទល់នឹង០ ហើយបន្តបំបាក់ម្ចាស់ផ្ទះរុស្ស៊ី៣ទល់នឹង០។ ព័រទុយហ្គាល់បានស្មើអេស្ប៉ាញ ៣ទល់នឹង៣, ឈ្នះម៉ារ៉ុក ១ទល់នឹង០ ហើយស្មើអ៊ីរ៉ង់ ១ទល់នឹង១។
ដោយឡែកអាហ្សង់ទីនបានស្មើអ៊ីស្លង់ ១ទល់១, ចាញ់ក្រូអាត ៣ទល់០ និងឈ្នះនីហ្សេរីយ៉ាយប់មិញ ២ទល់នឹង១។ បារាំងឈ្នះអូស្ត្រាលី ២ទល់១, ឈ្នះប៉េរូ ១ទល់០ និងស្មើដាណឺម៉ាក ០-០។ ២គូទៀតគឺ អេស្ប៉ាញប៉ះរុស្ស៊ី ហើយដាណឺម៉ាក ប៉ះក្រូអាត៕