ថ្នាលយុវជនកម្ពុជា ៤នាក់ បានទៅចូលរួមកម្មវិធីដែល FIFA អញ្ជើញលើកមុននោះហើយ

2018-06-27 04:32:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករវ័យក្មេង មានអាយុចន្លោះពី១៥ ទៅ ១៧ឆ្នាំចេញពីអង្គការផ្កាយសមុទ្របានទៅចូលរួមកម្មវិធី FIFA Foundation Festival 2018 នៅប្រទេសរុស្ស៊ីហើយកាលពីម្សិលមិញនេះ។

រូបភាពផ្ដល់ឱ្យ

កីឡាករទាំង៤នាក់ ព្រមទាំងគ្រូរបស់ពួកគេ នឹងចូលរួមក្នុងកម្មវិធី FIFA Foundation Festival 2018។ កម្មវិធីនេះ ប្រមូលផ្តុំប្រតិភូ៤៨នាក់មកពីអង្គការផ្សេងៗ ដែលប្រើប្រាស់បាល់ទាត់ជាឧបករណ៍ជំរុញឲ្យមានការផ្លាស់ប្តូរជាវិជ្ជមាន។ កម្មវិធី Festival នេះបានចាប់ផ្តើមពីថ្ងៃទី២៣ ខែមិថុនា ដល់ថ្ងៃទី៣ ខែកក្កដា ឆ្នាំ២០១៨ បង្ហាញដល់ពិភពបាល់ទាត់ និង សាធារណៈជនទូទៅ នូវលទ្ធផលវិជ្ជមាន ដែលបាល់ទាត់មាន នៅក្នុងការបន្តទិសដៅអភិវឌ្ឍ ដូចជា ការអប់រំ សុខភាព និង សុខមាលភាព ការកសាងសន្តិភាព ការធ្វើសមាហរណកម្មសង្គម និងភាពជាអ្នកដឹកនាំយុវជន។

ប្រតិភូក្មេងៗ ៤នាក់តំណាងកម្ពុជាដែល FIFA អញ្ជើញទៅនោះមានប្រុសពីរ និង ស្រីពីរនាក់ ដែលមានអាយុចន្លោះ១៥ ទៅ១៨ឆ្នាំ។ អ្នកចូលរួម ដែលចេញពីអង្គការផ្កាយសមុទ្រមាន ស្រី២នាក់ ឈ្មោះ វៃ ស្រីទូច (១៧ឆ្នាំ) និង ចាន់ ជាតិនីតា (១៥ឆ្នាំ) ប្រុសមានពីរនាក់ឈ្មោះ គឹម ផលរ៉ាស៊ីន (១៦ឆ្នាំ) និង រឿន រ៉ាវី (១៧ឆ្នាំ)។ ពួកគេនឹងចូលរួមក្នុងសកម្មភាពកីឡា វប្បធម៌ និង អប់រំជាច្រើន ក្នុងកំឡុងសប្តាហ៍នៃ Festival ដ៏មមាញឹក។ នៅអមជាមួយកីឡាករទាំង៤ គឺមានគ្រូបង្វឹកម្នាក់ឈ្មោះ កែប សាម៉េត ក៏បានទៅចួលរួមក្នុងកម្មវិធីនេះដែរ។

រូបភាពផ្ដល់ឱ្យ

ប្រធានអង្គការផ្កាយសមុទ្រ កញ្ញា ជួប វិច្ឆិកា បាននិយាយនៅព្រលានយន្តហោះភ្នំពេញមុននឹងចេញដំណើរថា កញ្ញាពិតជាមានកិត្តយសណាស់ដែលឃើញការងារបាល់ទាត់សហគមន៍ និង កម្មវិធីអប់រំ របស់អង្គការត្រូវបានគេទទួលស្គាល់ក្នុងកម្រិតអន្តរជាតិ។ កញ្ញាពិតជាមានសេចក្តីរំភើបជាខ្លាំងដែលសិស្សអង្គការផ្កាយសមុទ្រត្រូវបានជ្រើសរើសទៅចូលរួមក្នុងកម្មវិធីប្រកួតបាល់ទាត់ពិភពលោកជាផ្លូវការ។ វាជាឪកាសមួយជីវិតម្តងសម្រាប់យុវជនភាគច្រើនដែលមានប្រវត្តិក្រីក្រ និង លទ្ធភាពតិចតួច ដើម្បីចូលរួមលេងកីឡា។ វាបង្ហាញឲ្យឃើញនូវឥទ្ធិពលវិជ្ជមានខ្លាំងក្លានៃកីឡា ការខិតខំប្រឹងប្រែង ការតាំងចិត្ត ការប្តេជ្ញាចិត្ត ដែលធ្វើឱ្យគោលដៅសម្រេចបាន៕

អត្ថបទ៖ មុន្នីរម្យ

ពាក្យទាក់ទង

កីឡាបាល់ទាត់

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន

អត្ថបទថ្មី

ចៃដន្យមែន! តារាចម្រៀង ២ រូប ដឹកដៃគូស្នេហ៍ចូលរោងការថ្ងៃនេះដូចគ្នា

ដៃធ្ងន់ដូច ធឿន ធារ៉ា អីចឹងធ្វើបានជោគជ័យទេប្រកួត Kick Boxing យប់នេះ

ទៅមើល Exhuma ចាប់អារម្មណ៍តែតួប្រុសតួស្រី តិចមើលរំលងតួបិសាចមេទ័ពជប៉ុន រូបពិតសង្ហាមិនណយ

សហព័ន្ធកីឡាបាល់ទះកម្ពុជាកក់លុយ២ម៉ឺនដុល្លារ ដើម្បីឲ្យយុវជន U20 ប្រកួតពានបាល់ទះជើងឯកអាស៊ី

ឡានចេញផ្សែងមិនមែនជារឿងធម្មតា ហើយពណ៌ផ្សែងនីមួយៗសុទ្ធតែបញ្ជាក់ពីរោគសញ្ញារបស់វា

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ