តោះ! មកដឹងប្រវត្តិខ្លះៗរបស់កីឡាហាប់គីដូ និងការចូលមកកាន់កម្ពុជា

2018-06-28 07:03:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាប់គីដូ ជាប្រភេទកីឡាប្រយុទ្ធមួយក្នុងចំណោមកីឡាដទៃទៀតរបស់ប្រទេសកូរ៉េខាងត្បូង និងបានមកដល់ប្រទេសកម្ពុជាតាំងពី ឆ្នាំ១៩៦៩ មកម្ល៉េះ ដែលឥលូវនេះមានជាសហព័ន្ធត្រឹមត្រូវ និងសកម្មភាពនានាដល់បច្ចុប្បន្ន។

រូបភាពសហព័ន្ធ

លោក គង់ ធីណា អគ្គលេខាធិការសហព័ន្ធខ្មែរកីឡាហាប់គីដូបានឲ្យដឹងថា កីឡានេះជាប្រភេទកីឡាប្រយុទ្ធមួយរបស់ប្រទេសកូរ៉េខាងត្បូង ដែលបង្កើតឡើងដោយជនជាតិកូរ៉េផ្ទាល់តែម្ដងនៅអំឡុងឆ្នាំ១៩៤០។ កីឡាមួយនេះជាប្រភេទក្បាច់គុនមួយ ដែលចាប់បញ្ចូលគ្នាពីស្នៀតគុនប្រយុទ្ធផ្សេងៗជាច្រើន។

លោក គង់ ធីណា អគ្គលេខាធិការ

ស្ថាបនិករបស់សហព័ន្ធខាងលើបន្ថែមថា ក្បាច់គុននេះគឺមានគ្រប់ស្នៀតទាំងអស់ មិនថាស្នៀតទាត់ ស្នៀតកាច់ ស្នៀតឃ្លេ លោត កណ្ដាប់ដៃនោះទេ ពោលគឺមានទាំងអស់តែម្ដង។ ព្រឹទ្ធាចារ្យ ៥រូប ដែលបានប្រមូលផ្ដុំគ្នាបង្កើតឲ្យមានជាសហព័ន្ធក្នុងឆ្នាំ២០០១ រួមមាន លោកព្រឹទ្ធាចារ្យ សានគឹមស៊ាន អ៊ឹង សំរេច ឆាយ ហុកគីម សេង ប៊ុនសុង តាំង សិលា ។

រូបភាពសហព័ន្ធ

សិស្សគុនកីឡាហាប់គីដូ

បច្ចុប្បន្ននេះប្រធានសហព័ន្ធខ្មែរហាប់គីដូ គឺដឹកនាំដោយលោក ម៉ក់ សំអុល ចំពោះទីតាំងហ្វឹកហាត់វិញនៅដំបូលអគារកីឡាសូហ្វតេនីសកម្ពុជាក្នុងពហុកីឡដ្ឋានជាតិ។ នៅវីដេអូក្រោយៗទៅ Sabay លើកយកស្នៀតពិសេសៗរបស់កីឡាខាងលើនេះមកបង្ហាញប្រិយមិត្ត សូមរង់ចាំទស្សនា៕

អត្ថបទ៖ នួន ស៊ីណា