ទៀតហើយ! Ed Sheeran ត្រូវគេប្ដឹងសាជាថ្មី រឿងលួចចម្លងបទចម្រៀង
- 2018-06-29 03:17:00
- ចំនួនមតិ 0 | ចំនួនចែករំលែក 0
ទៀតហើយ! Ed Sheeran ត្រូវគេប្ដឹងសាជាថ្មី រឿងលួចចម្លងបទចម្រៀង
ចន្លោះមិនឃើញ
កាលពីឆ្នាំ ២០១៦ តារាចម្រៀង Ed Sheeran ត្រូវបានទទួលរងការប្ដឹងម្ដងរួចមកហើយ ពីក្រុមគ្រួសារ Ed Townsend រឿងលួចចម្លងសាច់ភ្លេងបទចម្រៀង "Let's Get It On” របស់តារាចម្រៀង Marvin Gaye សម្រាប់បទចម្រៀង "Thinking Out Loud” របស់លោក។
ដោយឡែកឥឡូវនេះ សារព័ត៌មាន TMZ បានអះអាងថា Ed Sheeran ត្រូវបានគេប្ដឹងទារសំណងចំនួន ១០០ លានដុល្លារជុំវិញករណីលួចចម្លងកម្មសិទ្ធិបញ្ញារបស់ភាគីមួយផ្សេងទៀត។
បើតាមព័ត៌មានដែលបានចុះផ្សាយ ក្រុមហ៊ុនមួយមានឈ្មោះថា Structured Asset Sales ដែលជាក្រុមហ៊ុនទិញសិទ្ធិមួយភាគបីនៃកម្មសិទ្ធិបញ្ញារបស់លោក Ed Townsend ក្រោយលោកបានទទួលមរណភាពកាលពីឆ្នាំ ២០០៣នោះ បានដាក់ពាក្យប្ដឹងតារាចម្រៀងរូបនេះថា បទចម្រៀង "Thinking Out Loud” របស់លោកបានលួចចម្លងពីបទចម្រៀង "Let's Get It On”។
តាមក្រុមហ៊ុនមួយនេះដែរ បានអះអាងថា ម្ចាស់បទចម្រៀងដ៏ល្បីរូបនេះបានប្រើប្រាស់ទំនុកភ្លេង ចង្វាក់ភ្លេង សាច់ចុងជួន សាច់ភ្លេងស្គរ និងចំណុចផ្សេងៗជាច្រើនទៀតដូចគ្នាទៅនឹងបទរបស់តារាចម្រៀង Marvin Gaye។
ជុំវិញបញ្ហាប្ដឹងផ្ដល់នេះដែរ ខាងសារព័ត៌មាន MailOnline កំពុងទាក់ទងទៅខាងតំណាងតារាចម្រៀងរូបនេះដើម្បីធ្វើការបកស្រាយ។
គួរបញ្ជាក់ដែរថា បទចម្រៀង "Thinking Out Loud” បានក្លាយជាបទចម្រៀងដ៏ពេញនិយមមួយសម្រាប់ចាក់ក្នុងពិធីមង្គលការ។ បទចម្រៀងនេះដែរ ទទួលបានការចូលស្ដាប់ជាង ១ ប៊ីលានអ្នកលើ YouTube និងជាបទចម្រៀងដំបូងទទួលបានការចូលស្ដាប់ជាង ៥០០ លាននាក់លើកម្មវិធី Spotify៕
ទស្សនាបទចម្រៀងខាងក្រោម៖