ឆែកមើលតម្លៃ Vivo NEX លក់នៅវៀតណាម មិនធម្មតាឡើយ
- 2018-07-01 02:02:19
- ចំនួនមតិ 0 | ចំនួនចែករំលែក 0
ឆែកមើលតម្លៃ Vivo NEX លក់នៅវៀតណាម មិនធម្មតាឡើយ
ចន្លោះមិនឃើញ
កាលដើមខែមិថុនា Vivo NEX A និង NEX S ទូរសព្ទគ្មានក្បាលឆក មានអេក្រង់លាតពេញផ្ទៃ បានបង្ហាញមុខជាផ្លូវការនៅប្រទេសចិន។ ខណៈនេះ NEX A បានធ្វើដំណើរដល់ប្រទេសវៀតណាម ដោយបានដាក់លក់នៅតម្លៃថ្លៃជាងនៅប្រទេសចិនបន្តិច។
នៅប្រទេសវៀតណាម Vivo NEX A មានដាក់លក់តម្លៃជិត ១៦ លានដុង (ស្មើប្រមាណ ៧០០ ដុល្លារ)។ ចំណែកនៅប្រទេសចិនស្មាតហ្វូននេះមានតម្លៃប្រមាណ ៦០៩ ដុល្លារ ប៉ុណ្ណោះ។
Vivo NEX A និង NEX S មានផ្នែកខាងមុខគ្របដណ្ដប់ដោយផ្ទៃអេក្រង់ចំនួន ៩១,២៤% ជាប្រភេទអេក្រង់ Ultra FullView មានទំហំ ៦,៥៩ អ៊ីញ Super AMOLED កម្រិត FHD+។
NEX Sគឺជាស្មាតហ្វូនប្រភេទ Flagship ដែលមានបំពាក់នូវបន្ទះឈីប Snapdragon 845, RAM ទំហំ ៨ GB និងមានអង្គផ្ទុកទិន្នន័យទំហំ ១២៨/២៥៦ GB រួមទាំងថ្មទំហំ ៤០០០ mAh។
ចំណែក NEX A វិញមានប្រើត្រឹមបន្ទះឈីប Snapdragon 710 រួមជាមួយ RAM ទំហំ ៦ GB អមនឹងអង្គផ្ទុកទិន្នន័យទំហំ ១២៨ GB និងមានថ្មទំហំ ៤០០០ mAh ដូចគ្នា៕