សហព័ន្ធកាយសម្ព័ន្ធ បញ្ជូនកីឡាករទៅហ្វឹកហាត់នៅចិន ត្រៀម Asian Game
- 2018-07-04 02:28:41
- ចំនួនមតិ 0 | ចំនួនចែករំលែក 0
សហព័ន្ធកាយសម្ព័ន្ធ បញ្ជូនកីឡាករទៅហ្វឹកហាត់នៅចិន ត្រៀម Asian Game
ចន្លោះមិនឃើញ
សហព័ន្ធកាយសម្ព័ន្ធកម្ពុជា បានបញ្ជូនកីឡាករ១រូប ទៅហ្វឹកហាត់នៅប្រទេសចិន រយៈពេល ១ខែ ១០ថ្ងៃ ដើម្បីបង្កើនសិទ្ធផល ត្រៀមចូលរួមព្រឹត្តិការណ៍ធំៗ Asian Game ២០១៨ នៅពេលខាងមុខនេះ។
លោក ណយ ផាន់ណា អគ្គលេខាធិការសហព័ន្ធកាយសម្ព័ន្ធបានឲ្យដឹងថា ម្សិលមិញនេះសហព័ន្ធបញ្ជូនកីឡាករ ឈឿន សុខដែន ទៅហ្វឹកហាត់នៅឯទីក្រុង Nanning ប្រទេសចិន ហើយបើតាមគម្រោងនោះត្រូវបញ្ជូនកីឡាករទៅហ្វឹកហាត់ចំនួនពីរនាក់ ប៉ុន្តែដោយសារម្នាក់ទៀតមានរបួសពេលហ្វឹកហាត់ទើបមិនអាចចេញទៅ។
បើតាមផែនការនោះ កីឡាករកម្ពុជានឹងត្រូវហ្វឹកហាត់ ៣ឧបករណ៍ ទី១ លើកម្រាល ទី២ សេះលោត និងទី៣ កង។ អគ្គលេខាធិការខាងលើក៏បន្ថែមថា គោលបំណងសំខាន់មួយទៀតនោះជាការត្រៀមខ្លួនឲ្យបានគ្រប់គ្រាន់ចូលរួម Asian Game ដើម្បីកុំឲ្យដាច់សមត្ថភាពប្រកួតជាមួយប្រទេសប្រកួតប្រជែង និងឲ្យមានលក្ខណៈបច្ចេកទេសបានល្អត្រឹមត្រូវនៅប្រទេសឥណ្ឌូណេស៊ីខាងមុខ។
រំលឹកដែរថា នេះជាលើកទី២ហើយ ដែលសហព័ន្ធកាយសម្ព័ន្ធកម្ពុជាបញ្ជូនកីឡាកររបស់ខ្លួនទៅហ្វឹកហាត់នៅឯប្រទេសចិន ហើយការបញ្ជូនទៅហ្វឹកហាត់នេះរយៈពេល ១ខែ ១០ថ្ងៃទើបវិលត្រលប់មកវិញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
