មុខងារថ្មីមួយលើ iPad ឆ្នាំ ២០១៨ នឹងអាចមានប្រើមិនចាញ់ iPhone X

2018-07-04 13:03:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីបើប្រព័ន្ធប្រតិបត្តិ iOS 12 មិនទាន់បើកឲ្យប្រើប្រាស់ជាផ្លូវការក្តី ប៉ុន្តែតាមរយៈជំនាន់សាកល្បង (Beta) ក៏បើកឲ្យក្រុមអ្នកអភិវឌ្ឍកម្មវិធី Developer សាកល្បងប្រើជាបណ្តោះអាសន្ន។ ថ្មីៗនេះលោក Steve Troughton-Smith ជា Developer ល្បីឈ្មោះមួយរូបនៅ Apple បានទម្លាយថាក្នុង iOS 12 បានរកឃើញមុខងារ Animoji និង Memoji អាចគាំទ្រការប្រើប្រាស់លើ iPad ដូច iPhone X អ៊ីចឹងដែរ។

ដោយបង្ហោះផ្សាយក្នុងគណនី Twitter លោកបានសង្កត់ធ្ងន់ថា AvatarKits នឹងមកដល់នៅលើ iPad ហើយមានបំពាក់នូវបច្ចេកវិទ្យា TrueDepth Camera ដើម្បីដំណើរការមុខងារ Face ID ក៏ដូចជា Animoji សម្រាប់ iPad Pro ឆ្នាំ ២០១៨។ ជុំវិញរចនាបថរូបរាង នឹងមានផ្ទៃអេក្រង់ពេញគែមសងខាង គ្មានស្នាមឆក ហើយលុបចោលប៊ូតុង Home។

ចចាមអារ៉ាមកន្លងទៅពី Economic Daily News ធ្លាប់បញ្ជាក់ថា iPad Pro ឆ្នាំនេះនឹងមានទំហំអេក្រង់ ១១ អ៊ីញ រំពឹងប្រើប្រាស់ CPU ជំនាន់ A11 ឬ A12 មានអង្គគណនាប្រភេទ Octa-Core ប្រាំបីគ្រាប់ ប៉ុន្តែជុំវិញដំណឹងច្បាស់ការយើងនឹងបានដឹងកាន់តែច្បាស់ក្នុងអំឡុងខែកញ្ញា រួមគ្នានឹង iPhone សេរ៊ីចុងក្រោយ៕