កែវ រំចង់ អាចផ្ដួលដៃគូឲ្យសន្លប់ជាលើកទី៥ ជាប់គ្នាបានទេសប្ដាហ៍នេះ?
- 2018-07-06 04:47:41
- ចំនួនមតិ 0 | ចំនួនចែករំលែក 0
កែវ រំចង់ អាចផ្ដួលដៃគូឲ្យសន្លប់ជាលើកទី៥ ជាប់គ្នាបានទេសប្ដាហ៍នេះ?
ចន្លោះមិនឃើញ
ជើងខ្លាំងប្រដាល់គុនខ្មែរ កែវ រំចង់ អាចនឹងបង្កើនស្ថិតិផ្ដួលដៃគូឲ្យសន្លប់ជាប់គ្នាទី៥ជាប់ៗគ្នាក្នុងជំនួបមិត្តភាពអន្តរជាតិសប្ដាហ៍នេះ នៅសង្វៀនបាយ័ន។
ទោះជាវ័យច្រើនបន្តិច និងឈរជើងក្នុងវិស័យប្រដាល់គុនខ្មែរយូរណាស់មកហើយក្ដី ប៉ុន្តែកម្រិតវិជ្ជាគុន ការតាំងចិត្តហ្វឹកហាត់ និងភាពក្លាហាន កែវ រំចង់ នៅតែបង្ហាញសមត្ថភាពប្រកួតបានល្អដដែល។ តាមរយៈការប្រកួតនាពេលកន្លងមក អ្នកប្រដាល់មកពីខេត្តបាត់ដំបងនៅតែមានប្រជាប្រិយភាពខ្លាំង។ ការវិលចូលសង្វៀនជាថ្មី៤លើកចុងក្រោយនេះ កែវ រំចង់បានផ្តួលដៃគូឲ្យសន្លប់ទាំង៤លើកដោយមិនចប់ទឹកទី៥ឡើយ។ រូបគេនឹងបន្តកំណត់ត្រាឈ្នះសន្លប់ទៀត ប្រសិនបើរូបគេធ្វើបានល្អក្នុងការប្រកួតចុងសប្តាហ៍នេះ។
ប្រវត្តិប្រកួត៤លើកចុងក្រោយរបស់ កែវ រំចង់
កែវ រំចង់ ផ្ដួល Torngta សន្លប់ទឹក៣ (២២/១២/១៧)
កែវ រំចង់ ផ្ដួល Petch Pirun សន្លប់ទឹក២ (២១/០១/១៨)
កែវ រំចង់ ផ្ដួល Takoolsing សន្លប់ទឹក៤ (១៧/០២/១៨)
កែវ រំចង់ ផ្ដួល Petchmany សន្លប់ទឹក២ (១៧/៦/១៨)
អ្នកលេងទម្ងន់ជើងខ្លាំង កែវ រំចង់ នឹងត្រូវប៉ះជើងខ្លាំងឆ្លងដែនមកពីថៃ ក្នុងប្រភេទទម្ងន់ ៧៥គីឡូក្រាម នៅសង្វៀនបាយ័នស្ទឹងមានជ័យ ចាប់ពីម៉ោង ៣រសៀល តទៅ។ ក្រៅពីនេះក៏មានគូមិត្តភាពអន្តរជាតិ១គូ ទៀតនោះដែរ លន បញ្ញា ប៉ះ Birkban Klamuengpetch។ កុំភ្លេចទស្សនាថាតើ កែវ រំចង់ អាចបន្តផ្ដួលថៃឲ្យសន្លប់ទៀត ឬយ៉ាងណា៕