ចិនមាន App ជួលមិត្តស្រី សម្រួលដល់បុរសអត់គូ

2018-07-07 04:30:32
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនកំពុងប្រើ App ដើម្បីជួលមិត្តស្រីក្លែងក្លាយ ពិសេសដើម្បីប្រឈមមុខនឹងសមាជិកគ្រួសារដែលបានសួរសំនួរច្រំដែលអំពីជីវិតគូស្នេហ៍របស់គេ។ បើតាម Business Insider បានចុះផ្សាយកាលពីពេលថ្មីៗនេះ។

ដោយសារប្រទេសចិនមានគោលនយោបាយឲ្យយកកូនបានតែម្នាក់គត់អស់រយៈ៣៦ឆ្នាំចុងក្រោយ ប៉ុន្តែ គោលការណ៍នេះទើបត្រូវបានកែប្រែ ឲ្យយកកូនបាន២វិញនៅ៣នេះ ម្ល៉ោះហើយ ប្រទេសដែលឲ្យតម្លៃកូនប្រុសជាងកូនស្រីមួយនេះមានចំនួនមនុស្សប្រុសច្រើនជាងមនុស្សស្រីប្រមាណ៣០លាននាក់ (អាយុចន្លោះពី២៤ ដល់ ៤០ឆ្នាំ)។

អតុល្យភាពនៃចំនួនមនុស្សប្រុសនិងស្រីក្នុងប្រទេសនោះបានធ្វើឱ្យមានការភ្ញាក់ផ្អើលថ្មីមួយ រហូតដល់មានការបង្កើត App សម្រាប់បុរសជួលសង្សារដើម្បីបំបាត់ការភ័យខ្លាចពីការឈឺឆ្អើលរបស់សាច់ញាតិរឿងគូស្រករ។

App ជួលមិត្តស្រីដ៏មានប្រជាប្រិយភាពបំផុតមួយឈ្មោះថា Hire Me Plz មានអ្នកប្រើប្រាស់ដល់ទៅ ៧០០ ០០០ នាក់។

នាង Zhao Yuqing វ័យ២៤ឆ្នាំ

នាង Zhao Yuqing វ័យ២៤ឆ្នាំ ជាអ្នកសរសរ Blog រស់នៅទីក្រុងប៉េកាំងបាននិយាយថា នាងក៏ធ្លាប់ស៊ីឈ្នួលធ្វើសង្សារគេដែរ។ កញ្ញាបាននិយាយថាអំឡុងចូលឆ្នាំចិន គឺជាពេលវេលាមមាញឹកបំផុត ហើយ នាងធ្លាប់ទទួលបានកម្រៃ ១ ៤៥០ ដុល្លារក្នុង១ថ្ងៃព្រោះនាងត្រូវធ្វើដំណើរជាង ២ ០០០ គីឡូម៉ែត្រពីប៉េកាំង ទៅដល់ផ្ទះអតិថិជនឈ្មោះគួនមីង។

គួនមីងជាប្រតិបត្តិ ករគេហទំព័រមួយដែលឈានដល់វ័យ៣០ឆ្នាំហើយ តែពិបាករកប្រពន្ធ។ កំលោះ IT រូបនេះរស់នៅជនបទនៃខេត្ត Quanzhou ភាគខាងត្បូងប្រទេសចិន។

គួនមីង

Yuqing បាននិយាយថានាងមានការភ័យខ្លាចនៅពេលដែលត្រូវធ្វើដំណើរទៅផ្ទះខាងប្រុសក្នុងនាមជាសង្សារក្លែងក្លាយ។

Yuqing ធ្វើដំណើរទៅព្រលានយន្តហោះដើម្បីទៅជួបសង្សារក្លែងក្លាយ

នាងត្រូវស្ពាយជាប់ខ្លួននូវអាហារ និង កាដូសម្រាប់គ្រួសារសង្សារក្លែងក្លាយ។ ពេលដែលនាងបានចុះពីព្រលានយន្តហោះនៅ Quanzhou សង្សារក្លែងក្លាយទាំង២នាក់បានជួបគ្នា១ថ្ងៃជាមុនសិនដើម្បីដាក់ម៉ូគ្នាឲ្យត្រូវ មុននឹងទៅជួបឪពុកម្តាយគួនមីង។

Yuqing ជាមួយបង្វិចអាហារ និង កាដូសម្រាប់ឪពុកម្តាយគួនមីង

កិច្ចសន្យារបស់ពួកគេទាំង២មានដូចជា ហាមឱប ហាមថើប ហាមគេងជាមួយគ្នា ហាមគ្រឿងស្រវឹង។ ប៉ុន្តែនាងនឹងទទួលរ៉ាប់រងការងារផ្ទះអំឡុងពេល៣ថ្ងៃនៅផ្ទះគួនមីង។

Yuqing បាននិយាយថាក្នុងចំណោមអ្នកដែល booking នាងចំនួន៧០០នាក់ នាងសម្រេចចិត្តជ្រើសយកគួនមីង ព្រោះនាងមិនដែលបានបានទៅជនបទទេពីមុនមក។

នៅពេលដែលចូលឆ្នាំបានបញ្ចប់ គួនមីងបានសារភាពប្រាប់ឪពុកម្តាយរបស់គេពីរឿងដែលខ្លួនបានកុហក់។ ម្តាយរបស់គួនមីងបាននិយាយថា "ខ្ញុំមានអាយុ៥០ឆ្នាំហើយ ខ្ញុំមើលមិនដឹងពីវិធីរបស់យុវវ័យសម័យនេះបោកខ្ញុំឡើយ តែខ្ញុំមិនខឹងទេ"។