Black Pink ក្លាយជាក្រុមចម្រៀងស្រីមានអ្នក Follow នៅ Instagram ច្រើនជាងគេលើលោក
- 2018-07-07 07:20:00
- ចំនួនមតិ 0 | ចំនួនចែករំលែក 0
Black Pink ក្លាយជាក្រុមចម្រៀងស្រីមានអ្នក Follow នៅ Instagram ច្រើនជាងគេលើលោក
ចន្លោះមិនឃើញ
បន្ទាប់ពីបានបញ្ចេញវីដេអូចម្រៀងថ្មីនិង អាល់ប៊ុមខ្នាតតូចក្នុងរយៈពេលប៉ុន្មានសប្ដាហ៍កន្លងទៅនេះ Black Pink នៅតែបន្តបំបែកកំណត់ត្រាផ្សេងៗមិនឈប់ឈរ។ ហេតុដូច្នេះហើយបានបណ្ដាចំនួនអ្នកគាំទ្ររបស់ក្រុមចម្រៀងនេះ ប្រៀបនឹងពីមុនគឺពិតជាមានការកើនឡើងច្រើនមិនធម្មតា។
កាលពីក្រុមចម្រៀង Black Pink ទើបតែបង្កើតឡើងសមាជិកនីមួយគឺមានអ្នកគាំទ្រតែខ្ទង់ប៉ុន្មានម៉ឺននាក់ប៉ុណ្ណោះ ប៉ុន្តែពេលនេះសមាជិកទាំងអស់សុទ្ធតែមាន Follow ខ្ទង់លាន។ ក្នុងចំណោមសមាជិកទាំងអស់ គេសង្កេតឃើញថា Jennie មានអ្នកគាំទ្រច្រើនជាងគេគឺដល់ទៅ ៤,២លាននាក់ Lisa មាន ៤លាននាក់ ចំណែក Jisoo និង Rose គឺមានអ្នក Follow ចំនួន ៣,៦លាននាក់ដូចគ្នា។
ចំណែកឯចំនួនអ្នកគាំទ្រក្រុមវិញគឺសរុបទាំងអស់ដល់ទៅ ជាង១០លាននាក់ឯណោះ ដែលចំនួននេះទើបតែឈ្នះចំនួនអ្នក Follow ក្រុមចម្រៀង Fifth Harmony និង Little Mix ធ្វើឲ្យ Black Pink ក្លាយជាក្រុមចម្រៀងស្រីថ្មី ដែលមានអ្នកគាំទ្រនៅលើបណ្ដាញសង្គមច្រើនជាងគេលើលោកលើបណ្ដាញសង្គម Instagram៕