មកដឹងវិធីសាស្រ្តជួយសង្គ្រោះក្មេងថៃទាំង៤ ចេញពីរូងភ្នំថ្លាំហ្លួងម្សិលមិញ (មានវីដេអូ)
- 2018-07-09 02:09:26
- ចំនួនមតិ 0 | ចំនួនចែករំលែក 0
មកដឹងវិធីសាស្រ្តជួយសង្គ្រោះក្មេងថៃទាំង៤ ចេញពីរូងភ្នំថ្លាំហ្លួងម្សិលមិញ (មានវីដេអូ)
ចន្លោះមិនឃើញ
ក្មេងប្រុសថៃចំនួន៤នាក់ក្នុងចំណោមទាំង១២នាក់ ដែលបានជាប់ក្នុងរូងភ្នំថ្លាំហ្លួង ត្រូវបានគេជួយសង្គ្រោះចេញមកក្រៅបានដោយជោគជ័យ កាលពីល្ងាចថ្ងៃអាទិត្យម្សិលមិញនេះ។
បេសកកម្មរយៈពេល៣ម៉ោងកន្លះ ដែលដឹកនាំដោយអ្នកជំនាញជ្រមុជទឹកជនជាតិអង់គ្លេស បាននាំក្មេងៗទាំង៤នាក់នោះ ចេញមកក្រៅដោយសុវត្ថិភាព បន្ទាប់ពីជាប់ក្នុងនោះអស់រយៈពេល ១៥ថ្ងៃ។
យោងតាមប្រភពព័ត៌មាន បានឲ្យដឹងថា ក្មេងទាំង៤ខាងលើបានពាក់ម៉ាស់ជិតផ្ទៃមុខ និង ហែលទឹកជាលើកដំបូងក្នុងឆាកជីវិត ឆ្លងកាត់តាមរយៈរូងក្រោមដីដែលពោរពេញដោយទឹកជន់ និងភក់។
ក្មេងប្រុសទាំង៤នាក់ ដែលត្រូវបានគេជួយសង្គ្រោះមានឈ្មោះថា Prajak Sutham អាយុ១៤ឆ្នាំ , Pipat Bodhi អាយុ១៥ឆ្នាំ , Nattawut Takamsai អាយុ១១ឆ្នាំ និង Monhkhol Boonpiam អាយុ១៣ឆ្នាំ។
ខាងក្រោមនេះគឺជាការសង្ខេបដំណើរការនៃការជួយសង្គ្រោះក្មេងៗទាំងនោះ៖
#១ នៅវេលាម៉ោង១០ព្រឹក ថ្ងៃអាទិត្យ ទី០៨ ខែកក្កដា ឆ្នាំ២០១៨ ក្រុមមន្ត្រីនានាសម្រេចចិត្តចាប់ផ្ដើមជួយសង្គ្រោះ ជាមួយអ្នកជ្រមុជទឹកអន្តរជាតិចំនួន ១០នាក់។ រយៈពេល៤ម៉ោងក្រោយមក អ្នកជ្រមុជទឹកបម្រុង៣នាក់ទៀត បានចូលទៅតាមក្រោយ។
#២ នៅវេលាម៉ោង២រសៀលថ្ងៃដដែល ក្រុមអ្នកជ្រមុជទឹកបានទៅដល់ទីតាំងដែលក្មេងៗទាំង១៣នាក់ស្នាក់នៅ ហើយបានត្រៀមខ្លួនសម្រាប់ជួយសង្គ្រោះ។
#៣ ក្មេងប្រុសម្នាក់ៗត្រូវបានបំពាក់ដោយរបាំងមុខសម្រាប់ជ្រមុជទឹក មុនពេលចូលទៅក្នុងទឹក ដែលអមដោយអ្នកជ្រមុជទឹក២នាក់ ខណៈម្នាក់កាន់បំពង់អុកស៊ីហ្សែនរបស់ក្មេងប្រុស។
#៤ ក្មេងប្រុសត្រូវបានគេណែនាំឲ្យទាញខ្លួនឯងតាមរយៈខ្សែនាំផ្លូវដែលគេបានបង្កប់រួចជាស្រេច។ ក្នុងករណីខ្លះ អ្នកជ្រមុជទឹកបានប្រើដៃដើម្បីជួយរុញពួកគេទៀតផង។
#៥ បន្ទាប់ពីឆ្លងផុតច្រករូងក្រោមដីរួច ពួកគេប្រឈមមុខនឹងចំណុចគ្រោះថ្នាក់បំផុតហៅថា «Choke Spot» ដែលត្រូវហែលឡើងទៅលើចំណោតខ្ពស់ និងតូចចង្អៀត។ នៅត្រង់ចំណុចនេះ អ្នកជ្រមុជទឹកបានយកបំពង់អុកស៊ីហ្សែនទៅមុន ហើយណែនាំក្មេងទាំងនោះឲ្យចេញផុតពីចំណុចដ៏គ្រោះថ្នាក់នេះបានដោយជោគជ័យ៕
ខាងក្រោមនេះគឺជាវីដេអូបង្ហាញពីសកម្មភាព នាំយកក្មេងប្រុសទៅកាន់មន្ទីរពេទ្យ៖
ចុចអាន៖