ទង្វើ ខេមរៈ សិរីមន្ត ធ្វើឲ្យតារាស្រីម្នាក់ស្រក់ទឹកភ្នែក

2014-11-14 19:07:30
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតមួយសន្លឹកពីតារាចម្រៀង ខេមរៈ សិរីមន្ត អំឡុងពេលទៅជួបព្រឹទ្ធាចារ្យ ប្រាជ្ញ ឈួន ប៉ុន្មានថ្ងៃមុននេះ ធ្វើឲ្យអ្នកសិល្បៈស្ទើរគ្រប់ទម្រង់ ខាត់ សុឃីម មិនអាចទប់ទឹកភ្នែកបាន ពេលឃើញទង្វើប្រកបដោយគុណធម៌មួយ។

“មិននឹកស្មានថា ប្អូន សិរីមន្ត អាចធ្វើបានអញ្ចឹងសោះ... ជាអ្នកដទៃ តែគាត់អាចលុតជង្គង់ថ្វាយបង្គំដល់បាតជើងលោកតាដូចឪពុករបស់គាត់ ខ្ញុំពិតជាមិនអាចទប់ទឹកភ្នែកបាន"។ ខាត់ សុឃីម ប្រាប់ Sabay មុននេះយ៉ាងដូច្នេះ។

តារាស្រីខាងលើបន្តថា ជាគំរូល្អបំផុតសម្រាប់សិល្បករជំនាន់ក្រោយ ព្រោះទង្វើបែបនេះ បានបង្ហាញពីគុណធម៌ល្អរបស់តារាចម្រៀងកំពុងមានប្រជាប្រិយភាព ដែលយុវវ័យភាគច្រើនមានការគាំទ្រ ហើយមិនងាយរកអ្នកសិល្បៈណាធ្វើបានប៉ុណ្ណឹងទេ។ អ្នកនាងបានអះអាងថា ពាក្យថា "គ្រូ" មិនចាំបាច់ពូកគាត់មកបង្រៀនឡើយ ប៉ុន្តែស្នាដៃបន្សល់ទុកឲ្យរៀនសូត្រនោះហើយ។

អ្នកនាងបន្តថា៖ "អញ្ចឹងលុយ ១ លាន ឬ២លានរៀលតិចតួចណាស់ ប៉ុន្តែទឹកចិត្តរបស់សិល្បករឯណេះទេ ដែលធំធេងជាងអ្វីទាំងអស់"។

ជាក់ស្ដែងនៅក្នុងជំនួបផ្ទាល់ជាមួយលោកតា ប្រាជ្ញ ឈួន កាលពីពេលថ្មីនេះ ទើបអ្នកនាងបានដឹងថា ទឹកចិត្តរបស់សិល្បករចាប៉ីជើងចាស់រូបនេះ ធំធេងប៉ុណ្ណាចំពោះអ្នកសិល្បៈជំនាន់ក្រោយ។ អញ្ចឹងហើយ បានជាលោកតាចង់ហៅពូកគេទៅជួប ដើម្បីជជែកគ្នាលេង និងផ្ដែផ្ដាំពាក្យសម្ដីខ្លះៗទៀតផងដែរ។

សុឃីម បញ្ជាក់៖“ពេលនោះ! គ្រាន់តែលឺថា ខ្ញុំទៅដល់ភ្លាមគាត់ត្រេកអរ កខិបកខុប ខំអង្គុយរង់ចាំពូកយើងមិនដឹងតាំងពីពេលណាទេ ប្រឹងជជែកសួរនាំពីនេះពីនោះ មិនចង់ឲ្យមកវិញទេ"។ លោកព្រឹទ្ធាចារ្យចាប៉ីដងវែងរូបនេះ មានបំណងមកលេងសិល្បករទាំងអស់នៅរាជធានីភ្នំពេញ ប្រសិនបើគាត់មានសុខភាពប្រក្រតីដូចពីមុន។

ទោះបីជាយ៉ាងណា ខាត់ សុឃីម ស្នើដល់អ្នកសិល្បៈជំនាន់ក្រោយទាំងអស់មិនគួរមើលរំលងអ្នកជំនាន់មុននោះទេ ហើយមានរៀមច្បងសិល្បៈជាច្រើនទៀតកំពុងខ្វះខាត៕

អានអត្ថបទ៖ ក្រោយបែកបាក់គ្រូសារ ឡាយអិន ទទួលទានតែផ្អក និងប្រហុក ហើយយកសត្វធ្វើមិត្ត

អានអត្ថបទ៖ ខេមរៈ ទម្លាយពីមូលហេតុលោកតា ប្រាជ្ញ ឈួន ចង់ជូបលោក និងសិល្បករ២រូបទៀត

អត្ថបទ៖ សំ ជំនាញ