សុខ ធី ចង់ជួប Lerdsila ម្ដងទៀត ដើម្បីឲ្យដឹងថា ចាញ់ ឈ្នះ បានទៅអ្នកណាឲ្យប្រាកដ

2018-07-10 06:13:57
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីឈ្មោះមកពីខេត្តបន្ទាយមានជ័យ សុខ ធី ថា រូបគេចង់ជួបប្រកួតជាមួយអ្នកប្រដាល់ថៃចាស់វស្សា Lerdsila ម្ដងទៀត ដើម្បីឲ្យដឹងថាចាញ់ ឬឈ្នះឲ្យប្រាកដ ព្រោះអីមើលតាមការប្រកួតនៅតែគិតថាខ្លួនឯងឈ្នះដដែលនិង។

កីឡាករ សុខ ធី

សុខ ធី ប្រាប់ឲ្យដឹងនាពេលថ្មីៗនេះថា គេពិតជាចង់ប្រកួតជាមួយអ្នកប្រដាល់ថៃខាងលើនេះម្ដងទៀតមែន ព្រោះបើចាញ់របៀបនេះមិនអស់ចិត្តនោះឡើយ។ បើមើលតាមការប្រកួតនោះ ម្ចាស់មេដាយមាសកីឡាជាតិលើកទី២នេះ នៅតែជឿជាក់ថាខ្លួនទទួលបានជ័យជម្នះដដែល។

បើបានជួបម្ដងទៀតនោះ ឲ្យវាដឹងថា ចាញ់ ឬ ឈ្នះ អស់ចិត្តទាំងសងខាងតែម្ដង។ យ៉ាងណាមិញ បើមានការប្រកួតម្ដងទៀតនេះ សុខ ធី ប្រឹងហ្វឹកហាត់តែកម្លាំងប៉ុណ្ណោះ ព្រោះអីដៃគូហាក់អស់កម្លាំងខ្លាំង និងសន្ទុះបានត្រឹម ទឹក១ ទឹក២ ដល់ទឹក៣ Lerdsila អស់ហើយ។

សុខ ធី និង Lerdsila

រំលឹកដែរថា កីឡាករ សុខ ធី របស់កម្ពុជាចាញ់ពិន្ទុធ្លាប់ចាញ់ពិន្ទុអ្នកប្រដាល់ល្បីឈ្មោះរបស់ថៃ Lerdsila នាជំនួបមិត្តភាពអន្តរជាតិនៅសង្វៀន One Super Series កាលពីថ្ងៃទី២៣ ខែមិថុនា ឆ្នាំ២០១៨នៅទីក្រុងម៉ាកាវ៕

អត្ថបទ៖ នួន ស៊ីណា