កូរ៉េខាងត្បូង សុខចិត្តផ្អាកសមយុទ្ធស៊ីវិលដោយសារកូរ៉េខាងជើង

2018-07-10 06:44:52
ចំនួនមតិ 0 | ចំនួនចែករំលែក 0

ចន្លោះមិនឃើញ

កូរ៉េខាងត្បូង បានសម្រេចផ្អាកសមយុទ្ធការពារស៊ីវិលរដូវក្តៅរបស់ខ្លួនក្នុងគោលបំណងរក្សាឱ្យមានបរិយាកាសវិជ្ជមានសម្រាប់ការទូតនុយក្លេអ៊ែរជាមួយកូរ៉េខាងជើង។

យោងតាមរដ្ឋមន្ត្រីក្រសួងមហាផ្ទៃលោក Kim Boo-kyum ឲ្យដឹងថា ការផ្អាកសមយុទ្ធនេះធ្វើឡើងស្របពេលដែលទំនាក់ទំនងរវាងកូរ៉េទាំងពីរមានការផ្លាស់ប្ដូរ និងស្ថានភាពសន្តិសុខនាពេលបច្ចុប្បន្ន។ លោកបន្តថា "រដ្ឋាភិបាលរួមទាំងយោធា នឹងធ្វើការរៀបចំសមយុទ្ធស៊ីវិលថ្មីនៅឆ្នាំក្រោយសម្រាប់ត្រៀមទប់ទល់នឹងគ្រោះមហន្តរាយធម្មជាតិ និងអំពើភេរវកម្ម បន្ថែមពីលើការវាយប្រហារយោធា។"

(លោក Kim Boo-kyum)

គួរឲ្យដឹងថា ជារៀងរាល់ឆ្នាំកូរ៉េខាងត្បូងតែងធ្វើសមយុទ្ធស៊ីវិលនេះក្នុងខែសីហា ដើម្បីត្រៀមជម្លៀសជនស៊ីវិលនៅពេលមានការវាយពីកូរ៉េខាងជើង។ យ៉ាងណាមិញ ក្រោយជំនួបកំពូលរវាងកូរ៉េខាងជើង និងសហរដ្ឋអាមេរិកកាលពីខែមុន ទើបកូរ៉េខាងត្បូងសម្រេចផ្អាកសមយុទ្ធជាបណ្ដោះអាសន្ន៕