ដល់ពេលហើយ! គង់ការ បង្កើតស្លាកយីហោខ្លួនឯងសម្រាប់ទីផ្សារខ្មែរ និងនាំចេញទៅបរទេស

2018-07-11 07:27:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងនាមជាតារាបង្ហាញម៉ូដល្បីក្នុងព្រះរាជាណាចក្រកម្ពុជា ចាន់ គង់ការ បានឲ្យដឹងថាក្រៅពីទំនេរពីសិល្បៈ នាង បានច្នៃម៉ូដសម្លៀកបំពាក់ថ្មីៗ ទីផ្សារកម្ពុជាប៉ុណ្ណោះទេ និងនាំចេញទៅក្រៅប្រទេសផងដែរ។

តារាស្រីដែលវិវត្តខ្លួនក្នុងកម្មវិធី Cambodia Next Top Model និងជាម្ចាស់ជយលាភីនោះបានបន្តឲ្យដឹងទៀតថា វាការងារមួយបន្ទាប់ពីវិថីសិល្បៈដែលនាងស្រលាញ់។ ស្លាកយីហោថ្មីដែលនាង និងមិត្តភក្តិទើបបានបង្កើតថ្មីនេះមានឈ្មោះថា Jasmine and Pear។

បើតាមការឲ្យដឹងពីតារាម៉ូដែលនេះបង្ហើបប្រាប់ Sabay កាលសម្ពោធនាឡិកា Nuatica នៅផ្សារទំនើបសុរិយា ថា ទោះមិនទាន់ បើកដំណើរការស្រួលបួលមែន ប៉ុន្តែនាងបាននាំចេញទៅលក់នៅក្រៅប្រទេសបណ្តើរៗហើយ ក្នុងនោះនាងប្រាប់ថា Jasmine & Pear ក៏បានចូលរួមចំណែកក្នុងការលើកស្ទួយ និងផ្ដល់ឱកាសការងារដល់ស្ត្រីកាត់ដេរជាពិសេសដើម្បីទទួលបានប្រាក់បៀវត្សសមរម្យ។

"ការពិតបងដំណើរការយូរហើយអូន គ្រាន់តែមិនទាន់បង្ហាញជាផ្លូវការ តែបងបាននាំទៅលក់នៅអូស្រា្តលីបណ្តើរៗហើយ ប្រហែល ៣ខែទៀត ក្រុមការងារបងនឹងរៀបលក់នៅស្រុកខ្មែរដែរអូន។ ការងារនេះមិនមែនធ្វើតែម្នាក់ឯងទេ គឺមានដៃគូមិត្តបងម្នាក់ទៀតហ៊ុនជាមួយគ្នា។ ម៉ូដខាងបងគឺស្លៀកបានចាប់ពីអាយុ ១៨ ដល់ ៣៥ឆ្នាំ"។ តារាបង្ហាញម៉ូដមានស្រុកកំណើតមកពីខេត្តបន្ទាយមានជ័យបន្ថែម៕