តិកនិកថ្មីចង់ឆែកទិន្នន័យលើហ្វេសបុកឆាប់ឃើញ មិនចំណាយពេលយូរ

2018-07-12 04:07:29
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញសង្គមយក្សមួយនេះ មានទិន្នន័យថ្មី ចាស់ បានពីអ្នកប្រើប្រាស់ដទៃទៀតអាប់ដេតជារៀងរាល់ថ្ងៃ។ នេះមិនតូចទេ ទើប Facebook ផ្ដល់ជម្រើសស្វែងរកជាច្រើន ជំរុញលទ្ធភាពស្វែងរកអ្វីចង់បានឆាប់ឃើញ។

១) មូលដ្ឋានស្វែងរក

បញ្ចូលពាក្យគន្លឹះក្នុងប្រអប់ស្រាវជ្រាវ រួចចុច Enter នឹងឃើញបញ្ជីលទ្ធផល ដោយបានកំណត់ជាប្រភេទនានា។ ពេលស្វែងរកទីតាំងណាមួយ នឹងឃើញលទ្ធផលរួមជាមួយ Page និងផែនទី (បើបានកំណត់)។ អូសចុះក្រោម នឹងឃើញលទ្ធផលពី Public post, group, page, photo, video និងមួយចំនួនទៀត។

២) ប្រើ Filter នៅផ្នែកខាងឆ្វេង ជា Filter អាចប្រើជួយបង្រួមលទ្ធផលស្រាវជ្រាវ ឆាប់រកឃើញ។

មាន ៥ Filter អាចជ្រើសរើស៖

Posts from៖ អាចប្រើលទ្ធផលពីខ្លួនឯង មនុស្សណាម្នាក់ ឬក្រុមណាមួយ។ ក្នុងនោះ ក៏អាចចុចលើ Choose a source ដើម្បីបន្ថែមប្រភព ដូចជា BBC។
Post type៖ មានជម្រើសពីរអាចប្រើបាន All posts និង Posts you've seen។
Posted in group៖ អាចឃើញលទ្ធផលពីក្រុមទាំងអស់ ក្រុមខ្លួនបានបង្កើត ឬក្រុមផ្សេងទៀតបានជ្រើសរើស។
Tagged location៖ នឹងឃើញមាន Anywhere (គ្រប់ទីកន្លែង) ទីតាំងបានកំណត់លើ Profile អ្នក ឬទីតាំងណាមួយផ្សេងទៀត។
Date posted៖ កំណត់ឆ្នាំ ឬកាលបរិច្ឆេទខ្លួនឯង។

៣) ស្វែងរកអ្វីមិត្តភក្ដិបាន Like

បើមិត្តភក្ដិចុច Like លើទំព័រណាមួយ អាចប្រើមុខងារស្វែងរកលើ Facebook ងាយស្រួលជាងចូលមើល Profile មួយៗ។

គ្រាន់តែវាយបញ្ចូលឃ្លា Friends who have liked ប្រធានបទណាមួយ រួចចុច Enter។

Facebook មានភាពឆ្លាតវៃ ក្នុងការបង្ហាញលទ្ធផលពីប្រភេទទិន្នន័យស្រដៀងគ្នា ដូចជាពាក្យ Soccer ឬ Association football។ លទ្ធផលបង្ហាញមកមិនច្រើននោះទេ ចង់ឃើញគ្រប់គ្នា អាចចុចប៊ូតុង See all។

៤) ស្វែងរករូបភាព និងវីដេអូ នរណាម្នាក់បាន Like

ងាយស្រួលស្វែងរករូបភាព ដែលបាន Like ដោយនរណាម្នាក់លើបញ្ជីមិត្តភក្ដិ ឬនរណាបានកំណត់ព័ត៌មានខ្លួនជា Public ដូចជាតារាៗ។

ឧទាហរណ៍ ដៃគូប្រហែលអាចដឹង បើអ្នកបាន Like លើរូបភាពរបស់អ្នកដទៃ។ ចំណុចវិជ្ជមានមួយទៀត នេះជាវិធីល្អស្វែងរករូបភាព ពីព្រឹត្តិការណ៍នានា ដូចជា ពិធីជប់លៀង និងការជួបជុំក្រុមគ្រួសារ ប្រហែលបានអូសមើលរំលងយូរ។

វាយបញ្ចូល Photos liked by ឈ្មោះ រួចចុច Enter។ ឬមិនបាច់ដាក់ឈ្មោះក៏បានត្រឹម Photos liked by my girlfriend ឬ Photos liked by my brother គ្រាន់តែប្រាប់ Facebook បន្ថែមពីទំនាក់ទំនង។

៥) ស្វែងរករូបភាព និងវីដេអូនៃទីតាំង ឬព្រឹត្តិការណ៍ ក្នុងពេលវេលាណាមួយ

អ្នកអាចស្វែងរករូបភាពរបស់ព្រឹត្តិការណ៍ និងទីតាំង រួចភ្ជាប់ជាមួយពេលវេលា បង្រួមលទ្ធផលស្រាវជ្រាវ ដោយបញ្ចូលឃ្លា Photos of ទីតាំង ពេលវេលា។

៦) ស្វែងរកទីតាំងជិតៗនេះ

បើគិតថាឃ្លាន ហើយមិនសូវស្គាល់ក្រុង អាចប្រើមុខងារស្វែងរកលើ Facebook បាន ដោយបញ្ចូលឃ្លា ប្រភេទម្ហូប Nearby ហើយនឹងឃើញបញ្ជីរាល់ភោជនីយដ្ឋានមានដែលពាក់ព័ន្ធ។ ក៏អាចប្ដូរពាក្យ Nearby ទៅជាឈ្មោះក្រុងនានា បាន អាចថាដល់ទីណាក៏មិនសូវបារម្ភអត់ស្គាល់កន្លែងហូបចុកដែរ។

ភោជនីយដ្ឋានជាច្រើន បើកមុខងារ Reviews លើទំព័រ Facebook អាចដឹងពីកម្រិតវាយតម្លៃ ហើយអាចចុចលើទំព័រ ឃើញមតិយោបល់របស់អ្នកផ្សេង។

៧) ស្វែងរកការងារលើ Facebook

ពិតណាស់ប្រហែលមិនដល់ LinkedIn ផ្ដោតខ្លាំងលើទំនាក់ទំនងការងារ មានបណ្ដាញបុគ្គលអាជីពជាច្រើន។

នេះក៏មានជម្រើសលើ Facebook ផងដែរ ប្រហែលមានច្រើនគ្នាមើលរំលង ដោយអាចស្វែងរកការងារថ្មីៗ នៅទីតាំងណាមួយ។

វាយបញ្ចូលឃ្លា Jobs hiring nearby ឬ Jobs hiring in ទីតាំងណាមួយក្នុងប្រអប់ស្រាវជ្រាវ អាចចុចមើលបន្ថែមពីព័ត៌មានលម្អិត តាមតម្រូវការបើចាប់អារម្មណ៍។

៨) មុខងារ Buy and Sell Group

ទីផ្សារ Online លើ Facebook មានផលិតផលព្រោងព្រាត ពិតមិនដល់ Amazon ឬ eBay តែអាចទិញ លក់ឥវ៉ាន់បាន។

អាចចូលមើល នៅផ្ទាំងខាងឆ្វេងជម្រើស Buy and Sell Group ត្រង់នោះ នឹងមានបង្ហាញក្រុមនានានៅជិតៗ ឬស្នើដោយ Facebook ដែលមានសមាជិកបង្ហោះលក់ឥវ៉ាន់ទាំងមួយទឹក និងថ្មីក្នុងក្រុម បើចាប់អារម្មណ៍ក្រុមណាមួយអាច Join Group។ អាចចុចលើឈ្មោះក្រុមណាមួយ ដើម្បីឃើញពីផលិតផលនានាបានបង្ហោះ៕