Nichari ធ្លាប់តែសម្ដែងតួស្លូត តែមួយរឿងនេះទាំងកាច ទាំងឆ្នាស និងពូកែវាយមួយឈុតតែម្តង
- 2018-07-16 11:06:41
- ចំនួនមតិ 0 | ចំនួនចែករំលែក 0
Nichari ធ្លាប់តែសម្ដែងតួស្លូត តែមួយរឿងនេះទាំងកាច ទាំងឆ្នាស និងពូកែវាយមួយឈុតតែម្តង
ចន្លោះមិនឃើញ
តារាសម្តែងស្រីរបស់ប៉ុស្តិ៍លេខ៣ថៃ កញ្ញា Nichari ធ្លាប់តែសម្តែងជាតួអង្គស្លូត សុភាព តែរឿង «កាមទេពស្នេហ៍ វគ្គប្រជែងស្នេហ៍» ឬ Loop Korn Kamathep នាងបានសម្ដែងជាតួអង្គកាច ឆ្នាស់ និងពូកែវៃថែមទៀតផង។
ការសម្តែងជាតួអង្គឆ្នាសឆ្នើម និងចេះវៃនេះ គឺជាលើកដំបូងសម្រាប់នាង ហើយនាងបានធ្វើឲ្យអ្នកគាំទ្ររបស់ខ្លួនទទួលបានចំណីអារម្មណ៍ថ្មី ប្លែក និងមានការគាំទ្រច្រើន បើទោះបីជាលើកដំបូងក្តី។
«កាមទេពស្នេហ៍ វគ្គប្រជែងស្នេហ៍» តម្រូវឲ្យ Nichari(Karageade) ចាប់ដៃគូសម្តែងជាមួយIndy Intad (Daniel)។ រឿងមួយនេះគឺជាវគ្គទី៤ ស្ថិតក្នុងចំណោមរឿងកាមទេពស្នេហ៍ទាំងប្រាំបី ដែលបីវគ្គមុនបានចាក់បញ្ចាំងនៅ PNN រួចមកហើយ។
បន្ទាប់ពីបានចាក់បញ្ចាំងចប់ពីមួយរឿងទៅមួយរឿង បានធ្វើឲ្យទស្សនិកជនជក់ចិត្ត ចង់ទស្សនា និងទន្ទឹងរង់ចាំវគ្គថ្មីៗជាបន្តទៀត។
រឿងកាមទេពស្នេហ៍ វគ្គប្រជែងស្នេហ៍ រៀបរាប់ពីយុទ្ធនាការស្វែងរកគូ ដោយសារតែKarageade (Nichari) បានសន្យាជាមួយមិត្តក្នុងក្រុមកាមទេពផ្សេងទៀត ថានឹងរកគូឲ្យបានក្នុងរយៈពេលតែមួយឆ្នាំ ដើម្បីទទួលបានលុយជាងបីម៉ឺនដុល្លារ។ បន្ទាប់ពីបានសន្យារួចហើយ Karageade ក៏ពិបាកចិត្តខ្លះដែរ ដោយសារតែមិនដឹងថាតើត្រូវរកគូដោយវិធីណា។
ប៉ុន្តែជាសំណាងល្អនាងក៏បានជួបជាមួយបុរសសង្ហាម្នាក់គឺDaniel (Indy Intad) ពួកគេទាំងពីរនាក់ក៏បានលង់ស្រឡាញ់គ្នាទៅវិញទៅមក។ Daniel គឺជាប៉ូលិសអន្តរជាតិសម្ងាត់ម្នាក់ ដែលបានបញ្ជូនមកស៊ើបអង្កេតនៅប្រទេសថៃដើម្បីរកជនឧក្រិដ្ឋដែលបាននាំស្រីៗយកទៅលក់នៅប្រទេសបារាំង ហើយបុរសសង្ហារម្នាក់នេះក៏បានលាក់ពីប្រវត្តិរបស់ខ្លួន ព្រោះដើម្បីងាយស្រួលក្នុងការស្វែងរកឧក្រិដ្ឋជន សូម្បីតែKarageade ក៏ត្រូវបានលាក់ពីរឿងនេះដូចគ្នា។ តើបន្ទាប់ពីKarakeadeបានដឹងពីរឿងនេះ នាងនឹងត្រូវសម្រេចចិត្តបែបណា? នៅស្រឡាញ់ឬក៏បញ្ឈប់?
បើចង់ដឹងច្បាស់ សូមកុំភ្លេចរង់ចាំតាមដានទស្សនារឿង «កាមទេពស្នេហ៍ វគ្គប្រជែងស្នេហ៍» នឹងត្រូវចាក់ផ្សាយនៅថ្ងៃទី ១៨ ខែកក្កដា ឆ្នាំ២០១៨ វេលាម៉ោង៩:០០-១០:០០យប់ រៀងរាល់ថ្ងៃចន្ទ-ពុធ នៅលើកញ្ចក់ទូរទស្សន៍ភីអិនអិន បន្ទាប់ពីរឿង កាមទេពស្នេហ៍ វគ្គកំណើតស្នេហ៍តាមអនឡាញ៕
ទស្សនាឈុតខ្លីសូមចុច៖