សាកលវិទ្យាល័យថៃ ផ្តល់អាហារូបករណ៍១០០% ដល់ក្មេងទាំង១៣ លើថ្លៃសិក្សាដល់ថ្នាក់បណ្ឌិត

2018-07-17 02:12:17
ចំនួនមតិ 0 | ចំនួនចែករំលែក 0

ចន្លោះមិនឃើញ

សាកលវិទ្យាល័យ Naresuan University ស្ថិតនៅក្នុងទីក្រុង Phitsanulok ប្រទេសថៃ បានផ្ញើលិខិតមួយច្បាប់ទៅកាន់អភិបាលខេត្តឈៀងរ៉ាយ ដោយផ្តល់នូវអាហារូបករណ៍ដល់ក្រុមបាល់ទាត់ជ្រូកព្រៃទាំង ១៣នាក់ ដែលទើបត្រូវគេជួយសង្គ្រោះចេញពីរូងភ្នំថាំហ្លួង។

ក្រុមបាល់ទាត់ជ្រូកព្រៃទាំង ១៣នាក់ ដែលទើបត្រូវគេជួយសង្គ្រោះចេញពីរូងភ្នំថាំហ្លួង

លិខិតដែលបានចុះហត្ថលេខាដោយលោកសាស្ត្រាចារ្យ Kanchana Ngourungsi នៃសាកលវិទ្យាល័យ Naresuan University ហើយបានផ្ញើកាលពីថ្ងៃទី១០ ខែកក្កដា បន្ទាប់ពីបញ្ចប់បេសកកម្មជួយសង្គ្រោះដោយជោគជ័យ បានឲ្យដឹងថា «សាកលវិទ្យាល័យ Naresuan University មានក្តីសោមនស្សរីករាយក្នុងការផ្ដល់អាហារូបករណ៍ ១០០% ដល់សមាជិកក្រុមបាល់ទាត់ជ្រូកព្រៃទាំង ១៣នាក់ ប្រសិនបើពួកគេចង់បញ្ចប់ការសិក្សាថ្នាក់បរិញ្ញាបត្រ អនុបណ្ឌិត និង បណ្ឌិត នៅសាកលវិទ្យាល័យ Naresuan University»។

លិខិតនៃសាកលវិទ្យាល័យ Naresuan University

ជាមួយគ្នានេះ លោក Sirimas Senarak នាយកផ្នែកកិច្ចការទូទៅនៃសាកលវិទ្យាល័យខាងលើ បានបញ្ជាក់នៅក្នុងបទសម្ភាសន៍តាមទូរសព្ទថា "ការសម្រេចចិត្តនេះត្រូវបានធ្វើឡើង ដោយនាយកប្រតិបត្តិជាន់ខ្ពស់នៃសាកលវិទ្យាល័យរបស់យើងផ្ទាល់តែម្ដង"៕

ចុចអាន៖