ចំណុចពិសេសទាំង ៦ MacBook ទាក់ចិត្តអ្នកជំនួញមិនតិចទេ

2018-07-18 04:29:02
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានប្រកាសចេញអំបូរ MacBook Pro ជាមួយលក្ខណៈសម្បត្តិនានា ទាំងម៉ូដែល ១៣ និង ១៥ អ៊ីង។ ចំពោះ ការរចនារូបរាងវិញ ភាគច្រើនផ្តោតលើអ្នកធ្វើការ អ្នកជំនួញ បូករួមទាំងសក្តានុពលរបស់ប្រព័ន្ធប្រតិបត្តិការជំនាន់ថ្មី macOS Mojave បង្កើនការចាប់អារម្មណ៍កាន់តែខ្លាំង។

ម៉ូដែល MacBook Pro ដែលមាន Touch bar បំពាក់ Intel chips ល្បឿនលឿន

ម៉ូដែល ១៥ អ៊ីងជាមួយ Touch bar បំពាក់ Intel chip 6 cores ខណៈ ១៣ អ៊ីងមាន Quad-core។ នេះមានន័យថា កុំព្យូទ័រមាន Chips លឿន អាចធ្វើការលើសំណុំទិន្នន័យធំ ដំណើរការក្នុងពេលដំណាលគ្នា និងអាចកាត់តវីដេអូ និងសំឡេង បានរហ័ស មិនទាក់។

Chips ទាំងនេះ មិនលឿនដល់ Chips បំពាក់លើ Desktop iMac ទេ ដែលមានចាប់ពី 8 cores ទៅ 18 cores។ តែអាចល្មម បំពេញតម្រូវការរបស់អ្នកជំនួញភាគច្រើន។

MacBook ក៏មានបំពាក់ Chip ពិសេសហៅថា T2

Chip កែច្នៃសម្រាប់ Apple ដើមឡើយមានតែលើ Desktop iMac ប៉ុណ្ណោះ ដែលមានមុខងារពិសេសៗ រួមទាំងសុវត្ថិភាពផងដែរ ដោយលទ្ធភាព Encrypt ឬ Decrypt ទិន្នន័យមានភាពងាយស្រួល។

MacBook អាចផ្ដល់ជម្រើស Secure boot ដែលធានាមានតែប្រព័ន្ធប្រតិបត្តិការស្របច្បាប់អាច Boot ចូលប្រើបាន។

Apple Business Manager

Apple បានប្រកាសចេញមុខងារ Apple Business Manager ថ្មីមួយ ជាវេបសាយ ជួយដល់ IT Administrator គ្រប់គ្រងលើសមាជិក, Apple devices, ការទិញកម្មវិធី និង សៀវភៅ រួមទាំងការកំណត់សិទ្ធិប្រើប្រាស់ផងដែរ។

មាន Tab ថ្មី ឈ្មោះ Work ក្នុង Mac App Store

Apple រចនាឡើងវិញនូវរូបរាង និងបន្ថែមបទពិសោធន៍ថ្មីលើ Mac App Store។ App Store ថ្មីមាន Tab ឈ្មោះ Work ជួយអ្នកស្វែងរកកម្មវិធីទាក់ទងនឹងជំនួញ និងការងារនានា ហើយក្នុងនោះក៏មានកម្មវិធី Microsoft Office និង Adobe Lightroom CC ផងដែរ។

Finder ថ្មី

Finder នឹងមាន Gallery View ថ្មី ដែលផ្ដល់ icon ធំ។ ជាមួយមុខងារ Quick Actions អាចឲ្យអ្នកធ្វើការលើ File តាមវិធីមួយចំនួន ដោយមិនត្រូវការបើកជាមួយកម្មវិធីតម្រូវ ដូចជាការបង្វិលរូបភាព កាត់តវីដេអូ ឬដាក់ពាក្យសម្ងាត់លើឯកសារ។

Developer កាន់តែងាយស្រួលបម្លែងកម្មវិធី iPhone ទៅកាន់កម្មវិធី Mac Mojave

Apple កំពុងធ្វើការលើ Developer framework ថ្មីមួយសម្រាប់ Mac Apps ដែលជា Tools សម្រាប់អ្នកអភិវឌ្ឍន៍កម្មវិធី បម្លែងកម្មវិធី iOS ដំណើរការលើ iPhone និង iPad ទៅជាកម្មវិធី Mac។ នេះនឹងអាចចាប់ផ្ដើមប្រើបាន ក្នុងឆ្នាំ ២០១៩៕