ត្រៀមលុយទៅ ស្មាតហ្វូនកាមេរ៉ា ៩ គ្រាប់នឹងចេញលក់ខែកញ្ញានេះហើយ

2018-07-19 07:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកិច្ចសម្ភាសន៍មួយរបស់ Techcrunh លោក Dave Grannan នាយកប្រតិបត្តិ Light បានបង្ហើបឲ្យដឹងថា ស្មាតហ្វូនកាមេរ៉ា ៩ គ្រាប់ដែលមិនទាន់មានឈ្មោះពិតប្រាកដនេះ អាចនឹងប្រកាសចេញលក់ អំឡុងខែកញ្ញា ឆ្នាំ ២០១៨។

ទូរសព្ទគំរូរបស់ Light ដែលធ្លាយដំណឹងបំពាក់ Lenកាមេរ៉ា ៩គ្រាប់

យោងតាមប្រភពព័ត៌មានបានឲ្យដឹងថា ក្រុមហ៊ុនបានបង្កើនទុនចំណាយឡើងដល់ ១២១ លានដុល្លារជុំវិញការផលិតស្មាតហ្វូនជំនាន់ថ្មីនេះ។

ទូរសព្ទស៊េរីចុងក្រោយបង្អស់ ដែល Light កំពុងសម្ងំផលិតទូរសព្ទគំរូ (Sample) មានកាមេរ៉ារហូតដល់ ៩គ្រាប់ ទំហំ 64MP ជាស៊េរីចុងក្រោយគេ។ យ៉ាងណាជុំវិញការបង្ហើបនេះ អាចជាស៊េរី D ជំនួសវិញដោយ L16 ដែលចេញលក់កាលពី ២០១៧ មានតម្លៃ ១ ៩៥០ដុល្លារ។

ចំពោះតម្លៃវិញស្មាតហ្វូនមាន Len កាមេរ៉ាផ្នែកខាងក្រោយជារង្វង់ ៩គ្រាប់នេះ នៅមិនទាន់ដឹងនៅឡើយទេ មានតែដាក់ជាសំណួរ តើវាអាចឈានដល់តម្លៃខ្ទង់ពាន់ដុល្លារ ដូចសិស្សច្បង Light L16 ដែរឬទេ? ដូចនេះមានតែរង់ចាំមើលទាំងអស់គ្នា៕

អានអត្ថបទបន្ត៖

ប្រភព៖ PhoneArena ប្រែសម្រួល៖ រក្សា