តាមរយៈកាយវិការ បង្ហាញមូលហេតុ Justin ជ្រើស Hailey ជាគូអនាគតមិនមែន Selena
- 2018-07-20 03:04:14
- ចំនួនមតិ 0 | ចំនួនចែករំលែក 0
តាមរយៈកាយវិការ បង្ហាញមូលហេតុ Justin ជ្រើស Hailey ជាគូអនាគតមិនមែន Selena
ចន្លោះមិនឃើញ
ព័ត៌មានភ្ជាប់ពាក្យរបស់តារាចម្រៀង Justin Bieber និងតារាម៉ូដែល Hailey Baldwin បានធ្វើឲ្យមហាជនមានការភ្ញាក់ផ្អើលជាខ្លាំងក្នុងអំឡុងពេលប៉ុន្មានសប្ដាហ៍មកនេះ។
តើហេតុអ្វីបានជាធ្វើឲ្យតារាចម្រៀងប្រុសរូបនេះសម្រេចចិត្តភ្លាមៗបែបនេះ? បើតាមអ្នកវិភាគលើភាសាកាយវិការម្នាក់ឈ្មោះ Blanca Cobb បានវិភាគពីភាពខុសគ្នានៅពេល Justin ទាក់ទងជាមួយ Selena និងអនាគតភរិយារបស់លោក ដែលបង្ហាញថាមូលហេតុអ្វីបានជាលោកជ្រើសរើស Hailey ជាគូដណ្ដឹង ហើយមិនមែន Selena។
១. របៀបនៃការដើរ
ក្នុងរូបភាពខាងលើនេះបានបង្ហាញថា តារាចម្រៀង Justin បានដើរក្រោយតារាចម្រៀង Selena ជាជាងដើរជិតនាង។ លោកដើរដោយបោះជើងស្ដាំទៅមុខ ខណៈ Selena ដើរដោយប្រើជើងឆ្វេង។ បើតាមអ្នកវិភាគរូបនេះបាននិយាយថា៖ "ពួកគេមិនមានរបៀប ឬទម្លាប់ដូចគ្នានោះទេ។ សម្រាប់ខ្ញុំ ពួកគេដូចជាមនុស្ស២នាក់ដែលមិនបានស្គាល់គ្នាដែលដើរចូលអគារក្នុងពេលតែមួយប៉ុណ្ណោះ"។
សម្រាប់រូបខាងលើនេះវិញ Justin ដើរក្បែរ Hailey។ បើទោះបីជាពួកគេមិនបានមើលមុខគ្នា ឬកាន់ដៃគ្នាក្ដី ប៉ុន្តែបើតាមអ្នកវិភាគ Cobb បានគិតថា ពួកគេមើលទៅស័ក្ដិសមជាគូស្នេហ៍នឹងគ្នា។ តាមរយៈការបោះជំហានជើងទៅមុខ ក៏ពួកគេធ្វើដូចគ្នាដែរ។
២. របៀបនៃការកាន់ដៃ
តាមរយៈរូបភាពនេះដែរ បង្ហាញថាដៃរបស់តារាចម្រៀង Selena នៅពីលើដៃរបស់ Justin។ បើតាមអ្នកវិភាគ បានបញ្ជាក់ថា តាមរយៈការកាន់ដៃនេះបង្ហាញពីសញ្ញានៃការធុញថប់។ ក្នុងរូបភាពខាងឆ្វេង Justin ដាក់ដៃឆ្វេងរបស់លោកចូលក្នុងហោប៉ៅ ហើយមើលទៅដូចជាមិនទំនងសោះ។ ការពិតដែល លោកដាក់កែងដៃកៀកនឹងខ្លួនរបស់លោកបែបនេះ អាចបង្ហាញថា លោកធ្វើឲ្យខ្លួនឯងមានភាពតូចទាបជាង Selena។ ចំពោះរូបខាងស្ដាំវិញ ម្រាមដៃ Selena និង Justin ហាក់ដូចជាពួកគេកំពុងដាក់សម្ពាធឲ្យគ្នា។ តាមការវិភាគ កាយវិការនេះអាចបង្ហាញពីការមានកង្វល់ក្នុងទំនាក់ទំនងស្នេហា។
ងាកមកមើលកាយវិការរបស់ Hailey វិញ ខណៈកាន់ដៃរបស់នាង សង្កេតឃើញថា ដៃរបស់ Justin នៅពីមុខ។ នេះបញ្ជាក់ថា តារាចម្រៀងរូបនេះ គឺជាអ្នកដឹកនាំទំនាក់ទំនងស្នេហាមួយនេះ។ មិនមានសញ្ញាណាបង្ហាញពីភាពធុញទ្រាន់តាមរយៈការកាន់ដៃរបស់ពួកគេនោះទេ។ Justin មើលទៅហាក់ដូចជាធម្មតា ដៃឆ្វេងរបស់លោកមិនកៀកនឹងខ្លួនពេកដូចពេលកាន់ជាមួយ Selena នោះទេ។
៣. របៀបនៃការថើប
បើតាមអ្នកវិភាគ Cobb បានបញ្ជាក់ថា៖ "ការថើបរបស់ Justin ជាមួយ Selena គឺដូចជាស្នេហាក្មេងៗ មិនមែនស្នេហាបែបវ័យជំទង់នោះទេ។ ទោះបីជាច្រមុះ ចង្កា និងបបូរមាត់របស់ពួកគេជិតគ្នាក៏ពិតមែនក្ដី ប៉ុន្តែអ្នកទាំងអស់គ្នាអាចឃើញថា ដៃរបស់ Justin ម្ខាងទៀតមិនបានកាន់ដៃរបស់ Selena នោះទេ ហើយថែមទាំងឱនទៅមុខបន្តិចប៉ុណ្ណោះដើម្បីថើបនាង។ តាមអ្នកវិភាគដដែលបានបន្ថែមទៀតថា ការថើបរបៀបនេះគឺមិនមានភាពកក់ក្ដៅគ្រប់គ្រាន់នោះទេ។
ចំពោះរូប Justin ថើប Hailey វិញ អ្នកវិភាគរូបនេះបាននិយាយថា៖ "Justin ជាអ្នកគ្រប់គ្រងការថើបមួយនេះ"។ លោកបានឱនទ្រេតទៅរក Hailey ឱនក្បាលរបស់លោកទៅថើបនាង។ នេះអាចបង្ហាញថា ពួកគេមានភាពជឿជាក់ និងផ្ដល់ភាពកក់ក្ដៅឲ្យគ្នា។
ជាលទ្ធផល
តាមការវិភាគលើកាយវិការទាំង ៣នេះ អាចបង្ហាញថា ទង្វើរបស់ Justin មានចំពោះ Selena គឺផ្ទុយស្រឡះពីពេលដែលលោកនៅជាមួយ Hailey។ ការស្រឡាញ់របស់លោកចំពោះ Selena អាចនឹងខ្លាំងក្លាក្នុងពេលវេលាដ៏ខ្លីនោះ ប៉ុន្តែអ្វីដែលអ្នកបង្ហាញការស្រឡាញ់ វាអាចនឹងផ្លាស់ប្ដូរទៅតាមពេលវេលា ព្រោះបទពិសោធជីវិតទាំងនេះបានធ្វើឲ្យយើងចេះដឹងកាន់តែច្រើនជាងមុន។ ចំពោះ Hailey វិញ ពួកគេមានភាពដូចគ្នាច្រើន ហើយមុនពេលដែលពួកគេសម្រេចចិត្តភ្ជាប់ពាក្យនឹងគ្នា ប្រាកដណាស់ថានឹងបានគិតគូរដិតដល់ជាមុន៕