គួរឲ្យភ្ញាក់ផ្អើល! តាមពិតធ្លាប់មានសួនមួយ ដាក់តាំងមនុស្សក្នុងក្រុង ប៉ារីស
- 2018-07-20 03:43:48
- ចំនួនមតិ 0 | ចំនួនចែករំលែក 0
គួរឲ្យភ្ញាក់ផ្អើល! តាមពិតធ្លាប់មានសួនមួយ ដាក់តាំងមនុស្សក្នុងក្រុង ប៉ារីស
ចន្លោះមិនឃើញ
រូបភាពខាងក្រោមនេះ បង្ហាញពីទិដ្ឋភាពខាងក្នុងសួនមនុស្សមួយកន្លែងដែលត្រូវបានចាប់ពីប្រទេសក្នុងអាណានិគមបារាំងដើម្បីដាក់បង្ហាញក្នុងទីក្រុងប៉ារីស។
សួនឈ្មោះ Le Jardin d'Agronomie Tropicale បានចាប់ដំណើរការកាលពីឆ្នាំ ១៨៩៩ ជាកន្លែងសម្រាប់ធ្វើតេស្ដរុក្ខជាតិ និងម្ហូបអាហារមកពីចក្រភពបារាំងដូចជា កាហ្វេ, វ៉ានីឡា និងចេកជាដើម។ សួននេះ មានទីតាំងនៅជាយក្រុងប៉ារីស ក៏មានតាំងបង្ហាញរុក្ខជាតិកម្រ, សត្វផ្សេងៗ និងទំនិញផងដែរ។
ប៉ុន្តែ ចាប់តាំងពីខែឧសភា ដល់តុលា ឆ្នាំ ១៩០៧មក សួននេះចាប់ផ្ដើមដាក់តាំងមនុស្សមកពីទឹកដីបារាំងក្នុងទ្វីបអាហ្វ្រិក និងអាស៊ី។ ពួកគេត្រូវបានបញ្ជូនប្រទេសផ្សេងៗដូចជា ម៉ាដាហ្គាស្កា, ស៊ូដង់, ឥណ្ឌា, ម៉ារ៉ុក, កុងហ្គោ និងទុយណេស៊ី មកកាន់ប្រទេសបារាំងហើយតុបតែងខ្លួនដើម្បីបង្ហាញអ្នកចូលទស្សនា។ យោងតាម Atlas Obscura ឲ្យដឹងថា យ៉ាងហោចណាស់មានមនុស្សជាង ២លាននាក់ បានចូលទស្សនាសួនមនុស្សនេះ។
យ៉ាងណាមិញ សួននេះត្រូវបានបំផ្លាញក្រោយសង្គ្រាមលោកលើកទី ១ ហើយមនុស្សទាំងនោះបានត្រលប់ទៅភូមិរបស់ខ្លួនវិញ។ ប៉ុន្តែនៅឆ្នាំ ២០០៦ សួនមនុស្សត្រូវបានបើកឡើងវិញជាសួនសម្រាប់អ្នកទស្សនាអាចចូលមើលអគារដែលត្រូវបោះបង់ចោល, រូបសំណាក់ និងផ្ទះបៃតងផ្សេងៗប៉ុណ្ណោះ៕
ចុចអាន ៖
មកមើល យន្តហោះដឹកទំនិញធំបំផុតលើលោក ធ្វើការហោះហើរសាកល្បង (មានវីដេអូ)
មកស្គាល់ នាវាកម្សាន្ដផ្ទាល់ខ្លួនថ្លៃបំផុតទាំង ១០ ក្នុងពិភពលោក
មកស្គាល់នាមហៅក្រៅ របស់គ្រួសាររាជវង្សអង់គ្លេស កម្រមានអ្នកដឹងបំផុត