មកដឹងរបៀប "ចុះបញ្ជីយានយន្ត" អនឡាញត្រឹម១ថ្ងៃបានស្រេចមិនចាំយូរ(វីដេអូ)

2018-07-20 08:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការផ្ដល់សេវាសាធារណៈរបស់ក្រសួងសាធារណការ និងដឹកជញ្ជូន តាមរយៈការបង្កើតប្រព័ន្ធអនឡាញស្វ័យប្រវត្តិកម្ម បានជួយសម្រួលដល់មហាជនច្រើនមែនទែន រហូតដល់អ្នកមិនចាំបាច់ទៅដល់ទីតាំងផ្ទាល់ទៀតនោះទេ តួយ៉ាងដូចជា ថ្មីៗនេះក្រសួងព្រមទាំងបង្កើតជាវីដេអូបង្ហាញពីដំណើរការចុះបញ្ជី អ្នកគ្រាន់តែអនុវត្តតាមការណែនាំ ដោយចំណាយពេលយ៉ាងយូរត្រឹម១ថ្ងៃប៉ុណ្ណោះ។

ប្រព័ន្ធអនឡាញចុះបញ្ជីយានយន្ត

ការចុះបញ្ជីយានយន្ត និងផ្ដល់ប័ណ្ណបើកបរតាមប្រព័ន្ធស្វ័យប្រវត្តិកម្ម" (អនឡាញ) ដើម្បីផ្ដល់ភាពងាយស្រួលដល់ពលរដ្ឋ ក្នុងការ ជ្រើសរើសផ្លាកលេខដែលខ្លួនស្រឡាញ់ ប្រភេទផ្លាកលេខ តម្លៃ ទីតាំងដែលត្រូវទៅធ្វើ ឯកសារចាំបាច់ដើម្បីចុះបញ្ជី ណាត់ពេលវេលាធ្វើឆៀក និងពេលវេលាទទួលបានផ្លាកលេខជាដើម។ ក្នុងការប្រើប្រាស់សេវាកម្មថ្មី ["ចុះបញ្ជីយានយន្ត" អនឡាញ](https://vehicle.mpwt.gov.kh/login "") មាន ៧ដំណាក់កាល ក្រោយបង្កើត Account រួច។ ដំណាក់កាលទាំងនោះមានជាអាទិ៍៖ ១.ព័ត៌មានម្ចាស់រថយន្ត ២.ផ្លាកលេខ ៣.ឯកសារភ្ជាប់ ៤.ព័ត៌មានរថយន្ត ៥.កាលវិភាគទទួល ៦.ផ្ទៀងផ្ទាត់ ៧.ទូទាត់ប្រាក់។

ប្រសិនប្រជាពលរដ្ឋចង់ចុះបញ្ជីយានយន្តតាមប្រព័ន្ធអនឡាញ គ្រាន់តែស្កេនឯកសារមួយចំនួនដូចជា៖

បង្កាន់ដៃពន្ធយានយន្ត
វិក្កយបត្រ ឬលិខិតលក់ក្នុងករណីយានជំនិះជាកម្មសិទ្ធិឯកជន
វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ
អត្តសញ្ញាណប័ណ្ណម្ចាស់កម្មសិទ្ធិឯកជន

ការចុះបញ្ជីតាមប្រព័ន្ធស្វ័យប្រវត្តិកម្មនេះ នឹងជួយសម្រួលដល់ប្រជាពលរដ្ឋ ដែលចង់ទិញឡានម៉ូតូថ្មីជិះ លែងខ្វល់ចំពោះបញ្ហានេះ ក៏ដូចជាអាចលុបបំបាត់ចោលទាំងអស់ នូវរាល់ចំណាយក្រៅផ្លូវការ។ បន្ទាប់ពីបងប្អូនប្រជាពលរដ្ឋទិញ ឡានម៉ូតូហើយ អាចអូសចេញពីហាងជិះបានតែម្ដង។

ចង់ដឹងច្បាស់ទស្សនា និងអនុវត្តតាមវីដេអូណែនាំខាងក្រោម៖