ស្វែងយល់ពីតម្លៃផាកពិន័យកុំឲ្យប៉ូលិសកោរបាន

2014-11-16 18:16:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលធ្វើដំណើរស្ទើរតែគ្រប់គ្នាសឹងចៀសមិនផុតពីការផាកពិន័យរបស់ប៉ូលិសចរាចរណ៍ តែទាស់ត្រង់ថា ខ្លះត្រូវប៉ូលិសផាកសមរម្យ ខ្លះទារលុយលើសតម្លៃកំណត់ជាដើម។

“ពិតហើយ! ប៉ូលិសខ្លះ អាងតែយើងខុសគាត់ទារលុយយើងម៉ាទំហឹងតែម្ដង"។ នេះបើតាមការបញ្ជាក់របស់លោក ហាក់ រ៉ានី អាយុ ២៣ ឆ្នាំ និស្សិតឆ្នាំទី ៥ នៃវិទ្យាស្ថានបច្ចេកវិទ្យាកម្ពុជា។

រ៉ានី បញ្ជាក់ថា កាលហ្នឹង រ៉ានីជិះបញ្ច្រាសម្ដុំផ្លូវត្រសក់ផ្អែម ប៉ូលិសក៏ស្ទាក់ហើយផាក ២០០០០ រៀល។ តែរ៉ានីថា ពូម៉េចថ្លៃម្ល៉េះ អត់មានលុយឲ្យទេ។ ចរចាគ្នាយូរទៅ ប៉ូលិសក៏យកត្រឹមតែ ១០០០០រៀល និង ថែមទាំងបាននិយាយថា ប្អូនឯងទើបមកពីស្រែមែន? ដាក់រ៉ានីទៀតផង។

សូមចុចអាន៖ អីចឹងតើ! បានផ្សារដើមគស្ទះនោះស្ទះ

ស្រដៀងគ្នានេះដែរ កញ្ញា រ៉ាវី អតីតនិស្សិតសាកលវិទ្យាល័យភូមិន្ទភ្នំពេញ ប្រាប់ថា ប៉ូលិសខ្លះពិតជាទារលុយផាកពិន័យមិនត្រឹមត្រូវមែន ដូចជាករណីកញ្ញាដែរ កញ្ញាគ្រាន់តែបត់ត្រលប់ក្រោយ ប៉ូលិស ផាក២០$ ។ គាត់ថាផ្លូវនេះមិនអាចបត់ត្រលប់ក្រោយបានទេ ហើយកុំតវ៉ាច្រើន ប្រយ័ត្នយកម៉ូតូដាក់ឡានបាត់។

អតីតនិស្សិតសាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច លោក កក្កដា និយាយថា៖ "ខ្ញុំជឿថាកន្លងមក ពិតជាមានប៉ូលិសមួយចំនួនតូចទារលុយពីការផាកពិន័យមិនត្រឹមត្រូវមែន ហើយបើយើងតវ៉ាច្រើន គាត់អាងអីគំរាមយើងរឿងយកម៉ូតូដាក់ស្នងការ ហើយឲ្យយើងដោះស្រាយខ្លួនឯង។ បើមិនចង់រញ៉េរញ៉ៃច្រើនមានតែបង់តាមគាត់ទារ"។

យោងតាមសៀវភៅច្បាប់ស្ដីពីចរាចរណ៍ផ្លូវគោក ឆ្នាំ២០០៧ ត្រង់មាត្រា ៨៨ ចែងថា៖

បទល្មើសមួយចំនួនដែលកំណត់ជាបទលហុ	ទោចក្រយានយន្ត	យានយន្តធុនស្រាល	យានយន្តធុនធ្ងន់
បើកបរដោយមិនពាក់ខ្សែក្រវាត់ការពារ ឬមួកការពារសុវត្ថិភាព	3000រៀល	5000រៀល	1០០០០រៀល
បើកបរខុសទិសដែលតម្រូវឲ្យធ្វើចរាចរណ៍ ឬបើកបរជាន់គំនូសបង្ហូតកណ្ដាលទ្រូងផ្លូវ។	5000រៀល	10000រៀល	20000រៀល
បើកបរមិនគោរពភ្លើងសញ្ញាចរាចរណ៍ពណ៌ក្រហមឬក្រហមភ្លឹបភ្លែត	5000រៀល	10000រៀល	20000រៀល
បើកបរមិនគោរពស្លាកសញ្ញាហាមឃាត់	5 000រៀល	10000រៀល	20000រៀល
ប្រើប្រាស់ស្លាកលេខសម្គាល់យានយន្តដែលរចនាខុសពីលក្ខណៈដើម ឬរលុបលេខ ឬបាក់ស្លាក បាត់លេខ	6 000រៀល	12០០០រៀល	25000រៀល
បើកបរដោយមានអត្រាជាតិអាកុលចាប់ពី 0,25 ទៅ 0,39 មីលីក្រាមក្នុងមួយលីត្រខ្យល់ ឬចាប់ពី0,5 0,79ក្រាមក្នុងមួយលីត្រឈាម	6000រៀល	12០០០រៀល	25000រៀល
ការបត់ឆ្វេង ឬស្ដាំមិនត្រឹមត្រូវតាមបទបញ្ញតិនៃច្បាប់	6000រៀល	12០០០រៀល	25000រៀល
ផ្ទុកមនុស្សលើសចំនួនកំណត់	6000រៀល	12០០០រៀល	25000រៀល
ការផ្ទុកទំនិញមិនត្រឹមត្រូវតាមលក្ខណៈបច្ចេកទេស	4000រៀល	8000រៀល	15000រៀល