ទម្លាប់អាក្រក់ ៥ យ៉ាង កំពុងបំផ្លាញស្មាតហ្វូនដោយមិនដឹងខ្លួន
- 2018-07-31 01:38:06
- ចំនួនមតិ 0 | ចំនួនចែករំលែក 0
ទម្លាប់អាក្រក់ ៥ យ៉ាង កំពុងបំផ្លាញស្មាតហ្វូនដោយមិនដឹងខ្លួន
ចន្លោះមិនឃើញ
ស្មាតហ្វូនចេញម៉ូដែលថ្មីច្រើន ជាមួយបច្ចេកវិទ្យាថ្មីៗ រៀងរាល់ឆ្នាំ ចង់ដេញតាមស៊េរីក៏ប្រហែលមិនមានច្រើននាក់ដែរ ត្រូវការចំណាយថវិកាត្រឹមការរចនារូបរាងថ្មី ជាមួយមុខងារបន្ថែមតិចតួច។
បើចង់ឲ្យស្មាតហ្វូនមើលទៅភ្លឹង ស្រលាញ់បានយូរ ត្រូវមានការថែទាំ តែទម្លាប់មិនល្អមួយចំនួនប្រចាំថ្ងៃកំពុងបំផ្លាញបន្តិចម្តងៗ។
ទិញខ្សែសាកថ្មធូរថ្លៃ
សំដៅលើខ្សែសាកថ្ម មានតម្លៃធូរថ្លៃ មិនមាន Brand ច្បាស់លាស់ ដែលអាចបំផ្លាញ Device បាន ហើយកាន់តែធ្ងន់ធ្ងរអាចឆ្លងចរន្តឆាបឆេះ។ គួរទិញខ្សែសាកថ្មពីក្រុមហ៊ុនមានម៉ាកច្បាស់លាស់ បើមិនចង់ប្រើខ្សែចេញពីក្រុមហ៊ុនម៉ូដែលស្មាតហ្វូននោះ។
មានខ្សែសាកល្អហើយ តែក៏ត្រូវការប្រើថ្នមដៃផងដែរ។ បញ្ឈប់ការគួចខ្សែតឹងពេក គួរដកចេញពីប្រ៊ីភ្លើងថ្មមៗ និងគួរជៀសវាងដោតខ្សែសាកថ្មចោលជាមួយប្រ៊ីភ្លើងពេលលែងប្រើ ព្រោះសកម្មភាពទាំងនេះ អាចបង្កផលប៉ះពាល់ដល់សមាសធាតុចម្លងចរន្តអគ្គិសនីខាងក្នុង ខូចខាត អាចឆេះ ឬធ្វើឲ្យថ្មផ្ទុះ។
មិនប្រើសម្បកការពារ
ស្មាតហ្វូនមានទំហំ និងអេក្រង់ធំ ការធ្លាក់តិច ឬច្រើននឹងមានឆ្កូត ប្រេះស្រាំ ឬបែកតែម្តង។ អ្នកកាន់ស្មាតហ្វូនភាគច្រើន សុទ្ធតែធ្លាប់ជួប បើមិនមែនខ្លួនឯង ក៏កូនក្មួយដែរ។ អ្នកប្រហែលចូលចិត្ត រូបរាងស្មាតហ្វូនពេលមិនប្រើសម្បកការពារ តែនេះប្រឈមនឹងហានិភ័យបាត់បង់ភាពស្រស់ស្អាត។ ទូរសព្ទមានឆ្កូត ស្នាមប្រេះ បាត់បង់តម្លៃពេលចង់លក់ចេញប្តូរស៊េរី ហើយអ្នកក៏ប្រហែលលែងចង់កាន់ប្រើដែរ។
គួរប្រើសម្បកការពារ និង Screen Protector ការពារផ្ទៃខាងមុខ មានគុណភាពល្អ។ បើមិនចង់ប្រើទេ គួរសន្សំថវិការត្រៀមមួយចំណែកសម្រាប់ជួសជុល ឬប្តូរថ្មី។
ប្រើថាមពលថ្មដល់តែអស់
ថ្មទូរសព្ទ នឹងអស់គុណភាពបន្តិចម្តងៗក្នុងរយៈពេលយូរ ដោយពីរ ទៅបីឆ្នាំថាមពលថ្មកាន់មិនបានខ្ពស់ដូចទើបទិញឡើយ។ ករណី iPhone ល្បឿននឹងថមថយ ទៅតាមថាមពលថ្ម ហើយទម្លាប់មិនល្អ នឹងបង្កើនលទ្ធភាពបាត់បង់គុណភាពថ្មកាន់តែឆាប់។
គួរសាកថ្ម មុនពេលទូរសព្ទរលត់ កុំបារម្ភរឿងសាកថ្មច្រើនដង (ទៅតាមការប្រើប្រាស់)។ ប្រាកដថាថ្មក្នុងស្មាតហ្វូន ត្រូវមានថាមពលច្រើនជាង ៣០% នោះនឹងអាចធ្វើឲ្យគុណភាពថ្មបន្តបានយូរអង្វែងតាមលទ្ធភាព។
ជឿជាក់ពេកស្មាតហ្វូនត្រូវទឹកមិនមានបញ្ហា
មែនទែនទៅ មិនមាន Device មានលក្ខណៈ Waterproof ពិតប្រាកដនោះឡើយ។ Device មួយចំនួនប្រហែលមានមុខងារការពារជម្រាបទឹក ប៉ុន្តែនៅតែមានឱកាសទឹកអាចស្វែងរកវិធីចូលខាងក្នុង កាន់តែជឿជាក់ប្រើ Device ក្នុងទឹកច្រើនដង គុណភាពការពារជម្រាបទឹកនឹងចុះខ្សោយ។
ថ្វីបើ Device មានកម្រិតការពារជម្រាបទឹកខ្ពស់ IP67 ឬ IP68 គួរប្រើនៅឆ្ងាយពីទឹក បើមិនចាំបាច់។ ភ្លាមៗ មិនបង្កបញ្ហាដល់ទូរសព្ទនោះឡើយ តែច្រើនដង អាចមានបញ្ហា។
មិនទទួលយកការអាប់ដេត
មនុស្សភាគច្រើន មើលរំលងផ្នែកសុវត្ថិភាពលើ Device ខ្លួនប្រើ។ ការអាប់ដេតប្រព័ន្ធ បង្ហាញលើទូរសព្ទប្រហែលមើលទៅគួរឲ្យធុញទ្រាន់ តែនេះអាចការពារ Device ពីកម្មវិធីមិនល្អ (មេរោគ) និងបញ្ហាដទៃទៀតក្នុងប្រព័ន្ធបាន។ កុំបិទការអាប់ដេត។ ម្យ៉ាងវិញទៀត គួរអាប់ដេតកម្មវិធីផងដែរ ព្រោះកម្មវិធីទាំងនោះក៏ប្រហែលមានបញ្ហា និងត្រូវអាប់ដេតសុវត្ថិភាពផងដែរ។
ប្រយ័ត្នប្រយែងជាមួយកម្មវិធីទាញយកពីប្រភពផ្សេងក្រៅពី Store ផ្លូវការ អាចមានហានិភ័យខ្ពស់ផ្ទុកមេរោគ។
កម្មវិធីក្លែងក្លាយមួយចំនួនក៏មានលើ iOS App Store និង Android Play Store ផងដែរ គួរច្បាស់លាស់លើអ្វីខ្លួនទាញយក ពិនិត្យមើលប្រាកដថាជាជំនាន់ផ្លូវការនៃកម្មវិធី៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ