ទៀតហើយ! G-Dragon ត្រូវសម្រាកនៅមន្ទីរពេទ្យសាជាថ្មី ព្រោះបញ្ហារបួសកជើង
- 2018-08-02 03:40:43
- ចំនួនមតិ 0 | ចំនួនចែករំលែក 0
ទៀតហើយ! G-Dragon ត្រូវសម្រាកនៅមន្ទីរពេទ្យសាជាថ្មី ព្រោះបញ្ហារបួសកជើង
ចន្លោះមិនឃើញ
បើតាមសារព័ត៌មានបានបញ្ជាក់ថា តារាចម្រៀង G-Dragon ត្រូវបានសម្រាកនៅក្នុងមន្ទីរពេទ្យជាថ្មីម្ដងទៀត ដោយសារបញ្ហារបួសកជើងរបស់លោក។
តាមសារព័ត៌មានប្រចាំប្រទេសកូរ៉េបានឲ្យដឹងថា តារាចម្រៀង G-Dragon ត្រូវបានសម្រាកព្យាបាលនៅមន្ទីរពេទ្យ Pocheon Armed Forces Hospital ដែលស្ថិតក្នុងតំបន់ Pocheon នៃខេត្ត Gyeonggi-do កាលពីថ្ងៃទី ១២ ខែកក្កដា និងបានចាកចេញពីមន្ទីរពេទ្យនោះក្រោយសម្រាកបាន ១៥ ថ្ងៃដែលត្រូវនឹងថ្ងៃទី ២៧ ខែកក្កដា។
តារាចម្រៀងរូបនេះ ត្រូវបានបញ្ជូនទៅមន្ទីរពេទ្យដោយសារតែមានបញ្ហារបួសកជើង ប៉ុន្តែរឿងរ៉ាវលម្អិតយ៉ាងណានោះ មិនទាន់បានបង្ហាញនៅឡើយទេ។ បើតាមខាងមន្ទីរពេទ្យ និងពួកទាហានបានបញ្ជាក់ដែរថា G-Dragon ឈឺកជើងខាងស្ដាំរបស់លោក ចាប់តាំងពីមុនចូលបម្រើកងទ័ពមកម៉្លេះ ហើយក្រោយមកក៏បានធ្វើការវះកាត់នៅមន្ទីរពេទ្យមួយក្នុងក្រុងសេអ៊ូលកាលពីខែឧសភា ក្រោយរកឃើញថាកជើងមានបញ្ហាមិនប្រក្រតី។
ជាមួយគ្នានេះដែរ បើគិតមកទល់ពេលនេះ តារាចម្រៀង G-Dragon បានចំណាយពេល ៥១ ថ្ងៃហើយក្នុងការព្យាបាលកជើងរបស់លោកនេះ ដោយបូករួមទាំងចំនួន ១១ថ្ងៃចំណាយនៅមន្ទីរពេទ្យទាហាននៅ Yangzhou និង ១៥ថ្ងៃនៅឯមន្ទីរពេទ្យ Pocheon នេះផងដែរ។ បើតាមការអះអាងពីសមាគមសិទ្ធិមនុស្សយោធាប្រចាំប្រទេសកូរ៉េបានឲ្យដឹងថា ការសម្រាកព្យាបាលជំងឺដែលមានការបញ្ជាក់ត្រឹមត្រូវពីក្រុមគ្រូពេទ្យ គឺមិនត្រូវបានរាប់ចូលថាជាការសម្រាកធម្មតានោះទេ ហើយប្រសិនបើអ្នកជំងឺបន្តឈប់លើសពីរយៈពេល ៣០ថ្ងៃនោះ ថ្ងៃឈប់ទាំងនោះនឹងត្រូវបានរាប់បញ្ចូលទៅក្នុងថ្ងៃបម្រើការកងទ័ពដោយស្វ័យប្រវត្តិ៕