មិនដឹងយ៉ាងណាយ៉ាងណី ស្រីស្អាត៤រូបរបស់ Oh My Girl ជួបគ្រោះថ្នាក់រថយន្តជាមួយគ្នា

2018-08-02 14:04:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រីស្អាត៤ដួងរបស់ក្រុម Oh My Girl មាន Mimi, YooA, Binnie និង Seungheeត្រូវបានគេរាយការណ៍ថា ស្ថិតនៅក្នុងរថយន្តជាមួយគ្នា មុនពេលរថយន្តដែលពួកគេជិះបានជួបគ្រោះចៃដន្យ។

ហេតុការណ៍នោះ បានកើតឡើងនៅខ្ទង់ម៉ោង ៤រសៀលថ្ងៃទី ០១ សីហា ម្សិលមិញ ពេលពួកគេកំពុងធ្វើដំណើតតាមរថយន្តពីរគ្រឿងឆ្ពោះទៅកម្មវិធីប្រគំតន្ត្រី K-Star 2018 Korea Music Festival ស្ថិតនៅខេត្ត Gangwon។ រថយន្តមួយក្នុងចំណោម២គ្រឿង ដែលមានដឹកតារាស្រីទាំង៤បានជួបគ្រោះថ្នាក់។ ដោយឡែកសមាជិកផ្សេងទៀត មាន Hyojung, Jiho និង Arin ជិះរថយន្តមួយទៀត។

យ៉ាងនេះក្ដី ភ្នាក់ងាររបស់តារាស្រី បានអះអាងថា ពួកគេទាំង៤មិនមានគ្រោះថ្នាក់ធ្ងន់ធ្ងរទេ ហើយត្រូវបានបញ្ជូនទៅព្យាបាលនៅមន្ទីរក្នុងតំបន់ដែលនៅមិនឆ្ងាយពីកន្លែងកើតហេតុ។ ប៉ុន្តែ ការសម្ដែងរបស់ពួកគេនៅក្នុងកម្មវិធីប្រគំតន្ត្រីខាងលើ ត្រូវបានផ្អាក ហើយផលិតកម្ម WM Entertainment របស់ពួកគេ បានចេញមកសុំទោសអ្នកគាំទ្រ ចំពោះការខកខានទស្សនាការសម្ដែងរបស់ក្រុម Oh My Girl បណ្ដាលមកពីឧប្បត្តិហេតុខាងលើ៕

ប្រភព៖ Metro ប្រែសម្រួល៖ ទារិកា