ប្រើ Maps ពេល Share Location កុំភ្លេចមុខងារថ្មី ដឹងពីកម្រិតថ្មអ្នកម្ខាងទៀតយ៉ាងឡូយ!

2018-08-05 06:48:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Google Maps អាចឲ្យអ្នកប្រើប្រាស់ចែករំលែកទីតាំងផ្ទាល់ខ្លួនទៅនរណាម្នាក់ ងាយស្រួលជួបជុំជាមួយមិត្តភក្តិ និងក្រុមគ្រួសារ។ ហើយកាន់តែល្អ មុខងារថ្មីលើកម្មវិធី អាចចែករំលែកកម្រិតថាមពលថ្មផងដែរ។

ដើម្បីចែករំលែកទីតាំងក្នុង Google Maps ចុចសង្កត់លើទីតាំងណាមួយ > ចុចលើផ្នែកអាសយដ្ឋានបង្ហាញនៅលើអេក្រង់ខាងក្រោម > ចុចប៊ូតុង Share។ នេះនឹងបង្ហាញលើផែនទីរបស់អ្នកទទួល ហើយពួកគេអាចស្វែងរកទីតាំងរបស់អ្នកបាន។

ជាមួយមុខងារថ្មី អ្នកអាចឃើញកម្រិតថាមពលថ្មរបស់មិត្តភក្តិ ឬក្រុមគ្រួសារបាន ពេលទីតាំងបានចែករំលែកជាមួយអ្នក ដោយបង្ហាញនៅខាងស្ដាំក្បែរនឹងព័ត៌មានរយៈចម្ងាយ។ ពេល Google Maps អាប់ដេតទីតាំងនរណាម្នាក់ កម្រិតថាមពលថ្មក៏អាប់ដេតផងដែរ។

មុខងារនេះល្អ ពេលអ្នករង់ចាំមិត្តភក្តិ ឬសមាជិកក្រុមគ្រួសារ បារម្ភហេតុអ្វីពួកគេមិនលើកទូរសព្ទ៕