លែងខ្វល់ពី Selena ពេលនេះ The Weeknd កំពុងតែផ្អែមល្ហែមជាមួយ Bella Hadid ខ្លាំង!

2018-08-06 07:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបែកគ្នាអស់មួយរយៈធំ ខណៈពេល The Weeknd បានទាក់ទងជាមួយ Selena Gomez ពេលទំនាក់ទំនងរវាង Bella Hadid និង The Weeknd ចាប់ផ្ដើមមានម្ដងទៀតហើយ ព្រមទាំងផ្អែមល្ហែមជាងមុនទៀតផង។

អ្នកទាំងពីរត្រូវបានគេសង្កេតឃើញថា ចំណាយពេលជាមួយគ្នានៅទីក្រុង Tokyo កាលពីប៉ុន្មានអាទិត្យមុននៅទីក្រុង Tokyo ធ្វើឲ្យអ្នកគាំទ្រជាច្រើនប៉ាន់ស្មានថាអ្នកទាំងពីរបានចាប់ផ្ដើមទាក់ទងគ្នាម្ដងទៀតហើយ។ ជាក់ស្ដែងនៅពេលនោះអ្វីៗ គឺនៅមានភាពស្រពេចស្រពិលនៅឡើយ ប៉ុន្តែថ្មីៗនេះពួកគេបានចំណាយពេលនៅក្នុងការប្រគំតន្ដ្រី Lollapalooza ជាមួយគ្នានៅទីក្រុង Chicago ចុងសប្ដាហ៍នេះ ធ្វើឲ្យចម្ងល់ទាំងប៉ុន្មានត្រូវបានលាតត្រដាង។

រូបភាព The Weeknd នៅ Instagram Stories របស់ Bella Hadid

ទាំង Bella និង The Weeknd បានបង្ហោះសកម្មភាពជាច្រើននៅលើ Instagram Story របស់ពួកគេ យ៉ាងផ្អែមល្ហែម។

គូសបញ្ជាក់ថាអ្នកទាំងពីរចាប់ផ្ដើមទាក់ទងគ្នាកាលពីអំឡុងឆ្នាំ ២០១៥ ហើយក៏បែកបាក់គ្នាអស់មួយរយៈ រហូត The Weeknd ចាប់ផ្ដើមទាក់ទងជាមួយ Selena Gomez ហើយបែកបាក់គ្នា ទើបអតីតគូស្នេហ៍នេះត្រលប់មករកគ្នាវិញ៕

ប្រភព៖ glamour ប្រែសម្រួល៖ ធារ៉ូ