តោះ! មកស្គាល់ពិធីការិនីប្រដាល់ ដែលធ្លាប់តែឮសំឡេងតាមទូរទស្សន៍
- 2018-08-08 02:48:46
- ចំនួនមតិ 0 | ចំនួនចែករំលែក 0
តោះ! មកស្គាល់ពិធីការិនីប្រដាល់ ដែលធ្លាប់តែឮសំឡេងតាមទូរទស្សន៍
ចន្លោះមិនឃើញ
សម្រាប់អ្នកទស្សនា និងនិយមប្រដាល់គុនខ្មែរមួយចំនួនធំ ប្រហែលស្គាល់ត្រឹមកីឡាករ រួមនិងគ្រូប្រដាល់ប៉ុណ្ណោះ ប៉ុន្តែប្រហែលមិនចាំសំឡេង ឬស្គាល់មុខពិធីការិនីប្រកាសប្រដាល់មួយចំនួននាពេលបច្ចុប្បន្ននោះទេ។ បើនិយាយពីសំឡេងប្រកាសកីឡាករទៀតសោត ស្ដាប់ទៅច្បាស់ ម៉ាត់ៗល្អ ប្រហែលជាក្មេង និងស្អាតហើយ ប៉ុន្តែដល់ពេលជួបផ្ទាល់ចង់ដាច់ចង្កេះ។
អ្នកមីង នាង សុចិត្រា ពិធីការិនីប្រដាល់នៅសង្វៀនបាយ័ន បានឲ្យដឹងថា ការងារជាពិធីការិនីនេះ គឺចាប់ផ្ដើមធ្វើជាយូរមកហើយប្រហែលតាំងពី ឆ្នាំ១៩៩០ មកដល់បច្ចុប្បន្ននេះតែម្ដង។ ដើមចមដែលធ្វើឲ្យពិធីការិនីនៅភ្នំពេញខាងលើ ចាប់អាជីពមួយនេះ ព្រោះពីមុនមកជាអតីតបុគ្គលិកនៅអគ្គនាយកដ្ឋានកីឡាអំឡុង ឆ្នាំ១៩៨០ ហើយពេលនោះត្រូវជិះឡានប្រកាសកម្មវិធីលក់សំបុត្រការប្រកួតនានាជាហូរហែផងដែរ។
ពិធីការិនីវ័យ ៥៣ឆ្នាំ រួបនេះបន្ថែមថា ឯកឧត្ដម តែម ម៉ឺន ដោយដឹងថាអ្នកស្រីចេះធ្លាប់និយាយ និងជាពិធីការិនីតាមកម្មវិធីធំៗមួយចំនួនផងនោះ ក៏សម្រេចឲ្យចូលមួយអធិប្បាយប្រដាល់មកដល់សព្វថ្ងៃនេះតែម្ដង។ ឥលូវនេះអ្នកស្រីបានបណ្ដុះកូនស្រីម្នាក់ទៀត គឺអ្នកនាង ខែម សុជាតា ផងដែរដើម្បីជួយការងារអធិប្បាយគ្នានៅសង្វៀនបាយ័នផងដែរ។
រំលឹកដែរថា អ្នកស្រី នាង សុចិត្រា ជាពិធីការិនីប្រដាល់មកជាយូរមកហើយ និងធ្លាប់និយាយតាមស្ថានីយទូរទស្សន៍ CTN TV5 TV3 អប្សរា និងបច្ចុប្បន្ននេះកំពុងនិយាយនៅសង្វៀនបាយ័នជារៀងរាល់ចុងសប្ដាហ៍។ ចំណែកកូនស្រី ខែម សុជាតា បច្ចុប្បន្ននេះក៏កំពុងធ្វើជាពិធីការិនីនៅសង្វៀនបាយ័នផងដែរ បន្ទាប់ពីប្ដូរពីសង្វៀន TV5 ប៉ុន្មានខែមុននេះ៕