ឡៅ ចិត្រា ចង់ទៅប្រកួតនៅក្រៅប្រទេស ដោយមានគោលដៅធំមួយ...

2018-08-09 02:21:12
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់កំពុងល្បីឈ្មោះ ឡៅ ចិត្រា ពិតជាចង់ទៅប្រកួតនៅឯក្រៅប្រទេស ព្រោះចង់ឲ្យបរទេសស្គាល់ពីគុនខ្មែរកាន់តែច្រើនថែមទៀត ដូច្នេះប្រសិនបើអ្នករៀបចំកម្មវិធីណាដែលចង់បានអាចទាក់ទងមកក្លឹប ឬសហព័ន្ធ។

ឡៅ ចិត្រា ពេលឈ្នះម៉ារ៉ាតុ(ឆ្វេង)

ឡៅ ចិត្រា ប្រាប់ឲ្យដឹងថា បំណងធំដែលចង់ទៅប្រកួតនៅក្រៅប្រទេស គឺបានផ្សព្វផ្សាយពីគុនខ្មែរ ណាមួយចង់សន្សំបទពិសោធឲ្យបានច្រើនផងដែរ រួមផ្សំនិងចង់ឃើញទិដ្ឋភាពប្រទេស។ ប្អូនប្រុស ចន្រ្ទា ម្នាក់នេះ មិនប្រកាន់ថាប្រកួតប្រទេសណានោះទេ ឲ្យតែគេទាក់ទងត្រឹមត្រូវ ហើយថ្នាក់អនុញ្ញាតដឹងតែទៅហើយ។

ឡៅ ចិត្រា ពេលប្រកួតកម្មវិធី Khmer Thai Fight

រំលឹកដែរថា ឡៅ ចិត្រា ជាកីឡាករជម្រើសរើសជាតិគុនខ្មែរនាពេលបច្ចុប្បន្ន ហើយជាអ្នកប្រដាល់ជួរមុខរបស់កម្ពុជាផងដែរ។ នៅក្រុងស្រុកមិនថាសង្វៀនធំៗណានោះទេ អ្នកលេងគុនខ្មែរខាងលើនេះតែងតែបង្ហាញមុខជានិច្ច ដោយឡែកការប្រកួតនៅក្រៅប្រទេសវិញ ធ្លាប់តែប្រកួតនៅប្រទេសម៉ាឡេស៊ី កាលពីស៊ីហ្គេម ឆ្នាំ២០១៧ ប៉ុណ្ណោះ៕