មានជីវិតកម្សត់ តែពូកែរ៉េបញាប់ដូចម៉ាស៊ីនដេរ បេក្ខនារីនេះឆក់បានប៊ូតុងមាសផុយៗ
- 2018-08-08 10:00:35
- ចំនួនមតិ 0 | ចំនួនចែករំលែក 0
មានជីវិតកម្សត់ តែពូកែរ៉េបញាប់ដូចម៉ាស៊ីនដេរ បេក្ខនារីនេះឆក់បានប៊ូតុងមាសផុយៗ
ចន្លោះមិនឃើញ
ស្ថិតនៅសប្ដាហ៍ចុងក្រោយនៃវគ្គ Guest Judge កម្មវិធី America's Got Talent ឆ្នាំ ២០១៨ បេក្ខនារីម្នាក់បានបង្ហាញខ្លួនលើឆាកប្រកួតប្រជែងសមត្ថភាព ជាមួយទេពកោសល្យរ៉េបគួរឲ្យសរសើរ។
ក្មេងស្រីវ័យ ១៤ឆ្នាំម្នាក់ដែលមានឈ្មោះថា Flau'jae បានអង្រួនបេះដូងគណៈកម្មការទាំង ៥នៅពីមុនយ៉ាងខ្លាំងដៃ ពេលច្រៀងចម្រៀងនិពន្ធថ្មីមួយបទ ស្ដីពីការតស៊ូគ្រប់ឧបសគ្គក្នុងជីវិតរបស់នាង អំឡុងវត្តមានលើឆាក AGT។
នាងបានបង្ហើបរឿងរ៉ាវមួយចំនួនថា ឪពុករបស់នាងគឺជាអ្នកចម្រៀងរ៉េបម្នាក់ ប៉ុន្តែបានស្លាប់តាំងពិនាងមិនទាន់កើតម្ល៉េះ។ Flau'jae ថានាងគ្មានឱកាសបានប៉ះ ឱប និងនិយាយជាមួយឪពុករបស់នាងទេ។
មុនឡើងច្រៀងនាពេលនេះ ក្មេងស្រីរូបនេះក៏បញ្ជាក់ច្បាស់ៗថា៖ «គោលបំណងធំក្នុងជីវិតខ្ញុំគឺ បន្តកេរ្តិ៍ដំណែលរបស់ឪពុករបស់ខ្ញុំ។ ខ្ញុំគិតថាគាត់ស្លាប់ទៅលឿនពេក ខ្ញុំតែងគិតថាគាត់មានក្ដីស្រមៃមួយ ហើយមិនទាន់បានសម្រេចនៅឡើយ ដូចនេះហើយខ្ញុំចង់ធ្វើរឿងទាំងនោះសម្រាប់គាត់»។
ជាក់ស្ដែងនៅពេលដល់វគ្គបញ្ចេញសមត្ថភាពវិញ បេក្ខនារីរូបនេះក៏ធ្វើឲ្យគ្រប់គ្នាស្មានមិនដល់ដែរជាមួយការរ៉េបរបស់នាង។ ការខិតខំប្រឹងប្រែង និងការតាំងចិត្តនេះហើយទើបធ្វើឲ្យគណៈកម្មការកិត្តិយស Chris Hardwick ចុចប៊ូតុងមាសឲ្យនាងបន្តទៅវគ្គផ្សាយផ្ទាល់តែម្ដង៕
ទស្សនាវីដេអូខាងក្រោម៖