ហ្គេមថ្មីបង្កើតដោយខ្មែរគ្រាន់តែឃើញ Trailer ក៏ចាប់អារម្មណ៍ដែរ

2018-08-09 02:20:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបង្កើតវីដេអូគំនូរជីវចល ឬ Animation និងបង្កើត Game លេងកម្សាន្តដែលមានឈ្មោះថា Sil Animation បានបង្ហាញវីដេអូ Trailer ហ្គេមថ្មីមួយដែលមានឈ្មោះថា Angkor Rise of Herose ដែលមានលក្ខណៈប្លែក គួរឲ្យចាប់អារម្មណ៍។

លោក យក់ ស៊ីវ៉ាល់រី

លោក យក់ ស៊ីវ៉ាល់រី ស្ថាបនិកបង្កើតហ្គេមមួយនេះបានប្រាប់ Sabay ថាបើទោះជាហ្គេមទាំងមូលនៅមិនទាន់បានបញ្ចប់ក៏ដោយតែលោកនឹងបង្ហាញពីវគ្គដំបូងនៅក្នុងខែនេះ។ លោកបានបន្តទៀតថានៅក្នុងហ្គេមនេះដែរក៏ត្រូវបានបញ្ចូលរូបភាព ភ្លេង សម្លេង Effect តួអង្គ បូករួមជាមួយវប្បធម៌ ក្បាច់គុនដែលមានលក្ខណៈជារបស់ខ្មែរច្រើន។

ទស្សនាវីដេអូ Trailer ខាងក្រោម៖

ចំពោះគម្រោងនេះដែរគឺជាគោលដៅមួយ ដែលក្រុមរបស់លោកចង់ធ្វើនូវអ្វីដែលមិនធ្លាប់បានធ្វើពីមុនមក បន្ទាប់ពីការងារដែលសម្រេចបាន។ ក្រោយពេលធ្វើការកែសម្រួលរួចរាល់ និងយកចិត្តទុកដាក់លោកនឹងធ្វើការបង្ហាញពីស្នាដៃទាំងមូលដាក់ឲ្យអ្នកប្រើប្រាស់ ដើម្បីធ្វើការកែតម្រូវក៏ដូចជាស្វែងរកការសហការបន្ថែមនៅលើហ្គេមនេះទៀត។

រូបភាពគំរូតួអង្គក្នុងហ្គេម

លោកបន្ថែមថាហ្គេមនេះដែលគឺជាគម្រោងដ៏ធំមួយ និងធ្វើយ៉ាងណាឲ្យមានលក្ខណៈស្តង់ដារដែលអាចប្រជែងជាមួយបរទេសបាន។ គម្រោងនេះផងដែរក្រុមរបស់លោកបានព្យាយាមធ្វើអស់រយះពេលជាងមួយឆ្នាំមកហើយដោយធ្វើការសម្រិតសម្រាំងយ៉ាងល្អបន្ទាប់ពីទទួលបានជោគជ័យលើគម្រោងមុនៗ។

រូបភាពគំរូតួអង្គក្នុងហ្គេម

មុនពេលដាក់បង្ហាញហ្គេមនេះ ក្រុមបង្កើតវីដេអូគំនូរជីវចល ឬ Animation និងបង្កើត Game លេងកម្សាន្តនេះ បានបង្កើតគំនូរជីវចលដែលមានឈ្មោះថា " យក្សតូច " បានចំនួនពីរវគ្គរួចមកហើយ រួមទាំងគម្រោងផ្សេងៗជាច្រើនទៀត៕