ជើងខ្លាំង Ninja ប្រាប់ត្រង់ៗ ហេតុផលដែលមិនព្រមលេងហ្គេមជាមួយមនុស្សស្រី

2018-08-13 11:51:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរយៈពេល ៦ ខែចុងក្រោយ អ្នកផ្សាយផ្ទាល់លើ Twitch ឲ្យឈ្មោះ Tyler “Ninja” Blevins ហាក់ឡើងកូដខ្លាំង រហូតមាន Follower ជាង ១០ លាននាក់ឈរលំដាប់ទី ១ ជាគណនីទទួលបាន Follower ច្រើនបំផុត។ ប៉ុន្តែប្រតិកម្មពីអ្នកគាំទ្រក៏ចេះតែកើតមានឡើង ក្រោមសំណួរមួយចោទសួរថាតើហេតុអ្វីទើប Ninja ពុំព្រមផ្សាយផ្ទាល់ការលេងហ្គេមជាមួយមនុស្សស្រី?

ក្នុងកិច្ចសម្ភាសន៍ជាមួយ Polygon បុរសមានដើមកំណើតនៅសហរដ្ឋអាមេរិកបានប្រាប់ត្រង់ៗថាមូលហេតុក៏ជាការឲ្យតម្លៃទៅលើភរិយារបស់លោកឈ្មោះ Jessica មួយផ្សេងទៀតក៏ដើម្បីបញ្ចៀសការខ្ចាត់ខ្ចាយព័ត៌មានបំផ្លើសប្រសិនណាលោកលែបខាយសម្តីជ្រុលជ្រួសអំឡុងពេលលេងរួមគ្នា។

រូបតំណាង Ninja និងភរិយា Jessica

បញ្ជក់ប្រាប់ពីសាមីខ្លួនផ្ទាល់៖ "ប្រសិនខ្ញុំមានការសន្ទនាជ្រុលជ្រួសជាមួយស្រ្តីម្នាក់ទៀតអំឡុងការផ្សាយផ្ទាល់ នោះក៏នឹងមានការថតទុកហើយបង្ហោះផ្សាយជុំវិញទិសទី ដោយឡែកនេះពុំមែនជាការហាមឃាត់ពីសំណាក់ភរិយាខ្ញុំអ្វីនោះទេ ផ្ទុយទៅវិញជាការសម្រេចចិត្តខ្លួនឯងផ្ទាល់ហើយខ្ញុំស្រលាញ់ទំនាក់ទំនងរបស់ពួកយើងទាំងពីរ"។

ប្រភព: https://gamerant.com/ninja-twitch-female-stream/