គួរទិញ Lens ឬកាមេរ៉ាថ្មី? ហេតុផល ៣ នេះ ល្មមឲ្យអ្នកសម្រេចចិត្តបានល្អ

2018-08-14 10:31:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កាមេរ៉ា និង Lens មានមុខងារប្រើប្រាស់ក្នុងការផលិតរូបភាព ឬវីដេអូ។ កាមេរ៉ា និង Lens ចេញម៉ូដែលថ្មីៗ បំពាក់បច្ចេកវិទ្យាចុងក្រោយស្ទើររាល់ឆ្នាំ។ បើអ្នកមិនទាន់មានប្រើ មិនសូវពិបាកគិត។ ប៉ុន្តែបើមានអាចពិបាកគិត ដោយគួរឡើងស៊េរី Lens ឬកាមេរ៉ា។ នេះហេតុផល អ្នកថតរូបអាជីពភាគច្រើន ជ្រើសរើសការវិនិយោគ Lens បន្ត ជាងតួកាមេរ៉ា។

១) ប្រើប្រាស់បានយូរជាង

Lens អាចប្រើបានយូរឆ្នាំ បើមានការថែទាំបានល្អ ប៉ុន្តែកាមេរ៉ាខុសគ្នា។ បច្ចេកវិទ្យាទាំងលើកាមេរ៉ា និង Lens មិនសូវមានអាប់ដេតច្រើននោះទេ។ បើតួកាមេរ៉ា មានមុខងារប្រើគ្រប់គ្រាន់ ដូចជាមិនមានហេតុផលគួរផ្លាស់ប្ដូរថ្មីនោះទេ។ បើវិនិយោគលើ Lens កម្រិតចុងក្រោយ អាចប្រើបានកាន់តែយូរឆ្នាំ និងពេញចិត្តចំពោះលទ្ធផល។

២) អាចប្រើលើតួកាមេរ៉ាផ្សេងបាន

ម្ចាស់កាមេរ៉ាមិនតិចទេ មានកាមេរ៉ាមួយ ខណៈមាន Lens ពីរ ឬបីដូចជា Zoom Lens ឬ Prime Lens។ Lens អាចប្រើបានជាមួយតួកាមេរ៉ាភាគច្រើន មិនថាអ្នកទិញ ឬជួរ ព្រមទាំងអាចនៅជាមួយអ្នករាប់ឆ្នាំ អាចបន្តដល់តួកាមេរ៉ាថ្មីបានផងដែរ។

៣) អាចជួលបង្កើនចំណូល

អ្នកថតរូបជាច្រើន បានវិនិយោគលើកាមេរ៉ាតម្លៃថ្លៃៗ ពិបាកក្នុងការជួលចេញ ដោយបារម្ភធូលីដី ចូលយារយី ជាពិសេស Sensor ដែលជាបេះដូងរបស់កាមេរ៉ា។ Lens អាចងាយស្រួលជួលចេញជាងតួកាមេរ៉ា បើអ្នកវិនិយោគលើកែវ Lens ល្អ៕