រូបចម្លាក់កូនក្មេងនៅហ្វូគូស៊ីម៉ា រងការរិះគន់ដូចព្យុះ ព្រោះហេតុផលមួយ

2018-08-14 02:45:18
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបចម្លាក់កូនក្មេងពាក់អាវការពារ ដែលត្រូវបានដំឡើងនៅជិតស្ថានីយ ហ្វូគូស៊ីម៉ា JR បានធ្វើឲ្យមានការរិះគន់ និងសម្ដែងការមិនពេញចិត្តយ៉ាងខ្លាំងពីពលរដ្ឋជប៉ុន។

ទស្សនរិះគន់ជាច្រើន ត្រូវបានបង្ហោះទៅក្នុងបណ្ដាញសង្គម Twitter ស្នើសុំឲ្យដករូបចម្លាក់នេះចេញ ព្រោះវាហាក់ដូចជាមានន័យថា ប្រជាជនហ្វូគូស៊ីម៉ាទាំងអស់ត្រូវតែពាក់ឧបករណ៍ការពារដើម្បីរស់រានមានជីវិត ក្រោយហេតុការណ៍ដ៏អាក្រក់ដែលបំផ្លិចបំផ្លាញរោងចក្រនុយក្លេអ៊ែរកាលពីឆ្នាំ ២០១១។ លើសពីនេះទៀត ពួកគេគិតថា រូបចម្លាក់នេះហាក់ដូចជាមើលងាយមកលើប្រជាជនក្នុងតំបន់ ថាមិនអាចរស់នៅបានដោយគ្មានឧបករណ៍ការពារ។

យ៉ាងណាមិញ លោក Kenji Yanobe ដែលជាអ្នកបង្កើតរូបចម្លាក់នេះឡើង បានចេញមុខសុំទោសក្នុងគេហទំព័ររបស់ខ្លួនកាលពីថ្ងៃសុក្រ សម្រាប់ការដែលធ្វើឲ្យប្រជាជនមួយចំនួនមិនសប្បាយចិត្ត ហើយលោកនឹងពិភាក្សាជាមួយអាជ្ញាធរបន្តទៀតជុំវិញការស្នើសុំឲ្យដករូបនេះចេញ៕